موقف - الخلوج
 

الخلوج اللي لقت في الزور حنه
يشتغل قلبه على طول الليالي

هاضها فرقى صغير جر ونه
مالتفت في همها عم وخالي

هاجسي دندن وجا للشعر رنه
زان بدع القاف غصب ما يمالي

من وطى المخطر يحوش الناس عنه
مايبرد حرنه من صاح تالي

والخفوق اللي يشيل بكل ظنه
ارتخى خفقه وزول الخير زالي

نرتجي قلب يضف الناس فنه
ما يناكد في الحياه ولا يغالي

المراره في الشري ذوق وبنه
مايقال انه غريب ذا المجالي

الغريب الحلو صار المر منه
ريحت الريحان ما تزكم محالي

التغافل حكمة في العقل كنه
اكثر النصفين صدق مانغالي

شايف ماشفت خيلك لا تعنه
اسرجه للطيب ذا فالك وفالي

صارت الدنيا بزود الخير جنه
وان تركنا الخير ياعزي لحالي