اللي فاهم في الددسن 85
 

السلام عليكم ورحمة الله وبركاته..

ولو اني منحرج بس الجهل مو عيب.. الموضوع وما فيه اني شريت ددسن 85 والسياره مابها خلاف بس صادف ان البنزين انقطع علي وبالتنتيع وصلت المحطة.. وانا اساساً ما اقدر اعبي فل لان الهوز الكبير اللي يوصل من فتحة البنزين للتانكي يهرب من عند وصلته بالتانكي وغيرت القفيز وخف التهريب بس باقي ما راح..
المشكلة هي انه بعد ما قطع فيني البنزين وعبيت صار من بعدها الموتر يتفتف مع كل تعشيقه ولازم ادبل بنزين علشان ما تطفى وقريت مواضيع كثير هنا في المنتدى وفي منتديات ثانية واغلبهم يتكلم عن البليتين وتصفية الكربريتر والكويل والديلكو والموبينه وفلتر او صفاية البنزين والمشكلة اني مو مثبت او مو متأكد من اشكال القطع اللي فوق علشان احدد القطعه واميزها لان فيه واحد يقول ان هالموديل تقدر تسويه بنفسك وانا ما عندي مشكله احاول واشوف واتعلم عليه لان اعرف مشاكله بنفسي..

الحل اللي وصلتله هو اني انزل صور لموتري وتحددون لي القطع اللي فوق علشان اعرف بالضبط وين ابدا في حل المشكله اللي تواجهني حسب كلام الاخوان..


http://im69.gulfup.com/3TzOEc.jpg

http://im69.gulfup.com/3Ln7Q1.jpg

http://im69.gulfup.com/le3tck.jpg

http://im69.gulfup.com/lWrKQF.jpg

http://im69.gulfup.com/08sFxQ.jpg

http://im69.gulfup.com/CnCHnY.jpg

http://im69.gulfup.com/JW9zq9.jpg

http://im69.gulfup.com/n945G7.jpg

http://im69.gulfup.com/qgUpHr.jpg

http://im69.gulfup.com/AO7jFZ.jpg

شاكر لكم افاداتكم ومساعدتكم..