|
عندي مكينة 85 ياماها مهب صافية تقطع يوم الجمعة اللي راح قدر الله وماشاء نسيت اركب المغر ودخلنا البحر المهم انه بعد ماوقفت انتبهت ان الطراد يدخله مويه وذكرت ان المغر نسيت اركبه كنت مطفي وحده من المكاين والثانية شغالة على طول عشقت المكينة ومشيت والثانية حاول اشغلها عيت تشتغل وخليتها كان اقرب شي لي السيف ورحت ووقفت وفضيت الطراد من المويه وبعده رجعت للمسنه ثاني يوم حاولت اشغلها عيت تشتغل فكيت البوجي لقيت عليه زي الوسخ كانه زيت اسود كبيت في فتحة البواجي زيت وبنزين وشغلت المكينه سويت الحركه ذي ثلاث مرات بعدها نظفت البواجي وركبتها واشتغلت المكينه لكن مهب صافية تقطع ولما تعشقها تطفي خليتها وجيت اليوم الللي بعد ودخلت عليه في البحر ونفس الشي تعشقها تطفى لازم تضغط على عصى الريس من داخل المكينه عشان تمشي الحين بغير البواجي وبشيك على الكويلات لكن سؤال هل يحتاج تصفية الكلبريتر لانها قبل السالفة ذي كلها كانت صافية طبعا للمعلومية زودت على خزان البنزين علبه زيت اتمنى من اهل الخبر وش اسوي لكم خالص تحياتي |
| الساعة الآن 12:31 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir