#poem_5414354b7dd02 td {font-family: 'Simplified Arabic', Arial, Helvetica, sans-serif;font-size: x-large;font-weight: bold;} مشيت من نجد وانا مامعي شي امشي ولا ادري وين حظي مودين ماغير ثوبي ومزوده وقربة المي وهم ٍ اشوفه مع ضلالي يبارين في سهلة ٍ ماطابها ذاري الفي وشمس الضحى في هامة الراس تكوين واسوق رجلي والرمض يلهبه ضي من حد ماطاتي الى ساق تشوين لاشك انا ادري في سبيلي انا حي هذا عزاي واطلب الله يكفين يكفين شر من به الشر ياخي يالله تعصمني عن دروب الشياطين يالله دخيلك من دروب بها غي يالله تبدل عسر الايام باللين وياويش بنت شفتها حزة مسي مره ترجعني ومره تودين بسباب ورع غامض داخل خبي في ماقع بين الرضم والمحاجين تلوي طرفها لويه الناس للي سبحان منه خالق الناس من طين