عــــــــــــاجــــل: الأخوة الكرام مساعدة لأختكم بخصوص سيارتها (يوكون 2011)
 

السلام عليكم ورحمة الله وبركاته:
صباحكم سعيد http://www.gmctruckclub.com/vb/images/smilies/smile.gif
بصراحة من زمان عن المنتديات والكتابة فيها http://www.gmctruckclub.com/vb/image...s/rolleyes.gif
الله يرحم والديكم وكل من يشاهد هذا الموضوع،،.
كنت أدور عن مشكلتي في قوقل حتى وصلت لهذا المنتدى الرائع و الجميل http://www.gmctruckclub.com/vb/images/smilies/smile.gif

من الله علينا بكرمه وأشتريت يوكون 2011 ماشي ممكن 130000 كيلو متر
طبعاً ماهو انا اللي أسوقها http://www.gmctruckclub.com/vb/image...es/biggrin.gif
عندي سايق باكستاني الله وكيلكم خليط من الغباء http://www.gmctruckclub.com/vb/images/smilies/mad.gif

عندي مشكلتين بعد الحمدلله ماقصرت السيارة معانا بالصيفية وتمشينا فيها، وارجو منكم أن تتحملوني وتطرحون كل الإجابات اللي تساعد بالتفصيل الممل.

المشكلة الأولى :
قلنا نشيك عليها عند الوكالة ورحنا ولقينا أنهم زحمة وإنهم ممكن يطلعون أعطال كثيرة و ودينا السيارة عند ورشة معروفة بجدة دلتني عليها إحدى الاخوات عندهم مثل سيارتنا ويقولون ورشة كويسة ومحترمة إسمها التقوى في جدة ،وفوجئت أن السيارة كويسة جداً لكن فيه مشكلة أنهم مايعرفون متى تم تغيير زيت السيارة بالنسبة للجربكس وأنه إحتمال لو تم تغييره يخرب الجيربوكس لانه ست سرعات وأيضاً تغييره يكون على مسؤولية العميل..........إلخ وأمور كثيرة ما فهمتها من المسؤول عن الورشة وأنه لو يخبط راح يكلف فوق 15000 ألف ريال، لكن إمشوا عليه بالبركة لين الله يتوفاه برحمته http://www.gmctruckclub.com/vb/image...s/confused.gif
صراحة كلامه ما دخل مخي.
المهم أنه إكتشف أن فيه مشكلة في احد المراوح وأن الحرارة ترتفع عن النصف والباكستاني مايدري عن شيء وما تشتغل على السرعات كلها وغيرناها وغير لنا البواجي وأسلاك البواجي.
والله توهقت وحاولت أحفظ كل المصطلحات الميكانيكية علشان أتعلم (ممكن يسمحون يالقيادة يوماً من الأيام http://www.gmctruckclub.com/vb/image...es/biggrin.gif ) ونفس الورشة هم دلوني على التريستار قبل تتعطل علبة الفيوز ورحنا لها بس لقيتها قفلت وبعدين أرسلت السائق لحاله وقال لي المصري نفس الكلام اللي قلته فوق، ومازلت متخوفة من مسألة تغيير زيت الجيربوكس، حتى أنهم قالوا الوكالة ماتغيره لين تكتبون إقرار إخلاء مسؤولية http://www.gmctruckclub.com/vb/image...s/confused.gif
والمعرض رجعنا له علشان نسأل صاحب السيارة الاول يقول ما يعرف عنه شيء ولا حتى رقم جوال :(

السؤال هنا:
هل معقول أن تغيير زيت الجيربوكس يسبب المشاكل اللي قالوها مثل الكلتشات وأنه ممكن ما يشتغل؟ وهل فيه حل معقول لمسألة الجيربوكس؟؟ أو شخص محترف أو ورشة ممكن تساعد في هذا الموضوع؟




المشكلة الثانية:
السيارة دق علي السائق قبل أسبوع ويقول أن الحرارة FULL وقلت له يوقف السيارة وبعدين شالها بسطحة لنفس الورشة، ويقول أن المراوح توقفت ما تعمل وأن السبب من الظفيرة وكلفة الإصلاح 1000 ريال، وأرسلت أحد أقاربنا للورشة وقال أنهم قالوا أن هذا هو العطل وبيجيبون القطعة وممكن تكلف قيمة القطعة 850 - 1000 والمفاجأة أنهم مالقوها إسمها علبة الفيوزات AAB، ماهي متوفرة لا في التوكيلات ولا في الجميح ولا عند أحد وقال واحد سوداني بأنه بيجيبها من التشليح، وبعدين إتصل بي يقول أنه لقي وحدة لكن قيمتها 1500 http://www.gmctruckclub.com/vb/images/smilies/eek.gif مع أنه قال لي سابقاً بيشوفها لي من التشليح بحدود 500
المهم راح كهربائي من الورشة وجاب لنا علبة فيوز شبيهة للعلبة السابقة ويقول أنها راح تشتغل وجاب فاتورة ب 700 ريال وضمان يومين وإشتغلت الحمدلله وأعطونا السيارة قالوا جربوها هذي اليومين، والسائق يقول حرارة زايد أكثر من أول ب شيء بسيط وقالوا الورشة عادي.
المهم انا ملازمة معاها في كل المشاوير وكل مرة أشيك اقفز عند العدادات أشوف http://www.gmctruckclub.com/vb/images/smilies/cool.gif
السؤال هنا:
هل معقول أن قطعة مثل هذه لا توفرها الوكالات، وهل هذا معقول أن إرتفاع سعرها بهذا الشكل الغير معقول؟ وما أسباب تعطلها أو أنه إستغلال كوني إمرأة ولا أعرف في السيارات؟ وهل فيه طريقة لمعرفة سبب إحتراق علبة الفيوزات لأني أشوفهم أخذوا 1000 ريال ظلم :(


ملاحظة:
لا يوجد لدينا أي رجل حالياً يساعد في الموضوع حيث أن زوجي مبتعث خارج المملكة وأخي مريض وينتقل بكرسي متحرك، وأكبر ولد عمره 13 سنة ماراح يساعد ولا راح يعرف شيء بالورش، وأستحي أكلم أي أحد من الجيران أو الأقارب ويحسبها جميلة كبيرة وما يخلي فينا مجلس يتفاخر بأنه صلح سيارتنا الجديدة وممكن يقول على حسابه بعد ومثلكم عارف الشعب.

أنتظر الإجابات التفصيلية من أخوتي بالمنتدى، الله يوفقكم و لا يوريكم مكروه،،،،

شاكرة لكم سعة صدوركم لأختكم وقراءة موضوعي.