ماهي أفضل انواع الخشب لعيار البلجيك.؟
 

السلام عليكم وأسعد الله صباحكم يا عرب


عندي قناصة عيار البلجيك (النيمس) 7.92×57mm والخشيبة فيها شعر (غير قابل للتصليح) محاولات عدة بائت بالفشل ولاعاد ينفعلها غير الحزام المذهب او النحاس, وقلت بلا الخسارة اغير الخشيبة افضل..


السؤال وش افضل انواع الخشب لعيار البلجيك.؟ مع العلم ان القناصة سبورت يعني قصيرة وندفها قوي ماشالله, ويبغالها خشب ممتاز يتحمل ندفها بصفتها ماصورة قصيرة.. وافكر اثبت مسمار حديد من كتف البندقة الين جرم الحديد حتى اثبتها وش شوركم,؟


مريت محل بجدة وقلي خشب زان وب 2500 ريال .؟ شسالفة وليش الغلا ذا, مستعد اطلعها الرياض او الشرقية او الطايف اذا كان فيه رجال فاهملها وبيوزن لها خشيبة قوية وخفيفة بنفس الوقت


لقيت لها بدال الخشب, فيبر ولكن في امريكا وخوفكم اطلبها ويصادرونها الجمارك, ارائكم يا شباب واللي يقدر ينفعني بأي شيئ يتواصل معي خاص بيض الله وجيهكم اجمعين