حل باذن الله لحرارة الباترول الكربريتر (مع المكيف )
 

السلام عليكم ورحمة الله وبركاته
ودي انقل لكم تجربتي في حل حرارة الباترول علماً انه تم فحص السيارة بما يخص نظام التبريد بشكل كااااااامل
والاستفادة من المنتدى بشكل كبير بعد الله في كثير من الطرق المتبعة لكن بخصوص حل نهائي لم اجد لا بالصناعية ولا من خلال تجربة منقولة عن طريق النت او النقل بشكل عام تؤدي للحل باستثناء تشابه المشكله في
بعض المواضيع ، المشكلة باختصار كان الموتر ماهنا خلاف فيه بالنسبة للحرارة لكن لاشم ريحة المكيف بتل الامبير يزود انت اوقف وانا ازود الحل الاول بعد التشييك الكامل على نظام تبريد السيارة كان مراوح سوبارو وحلت المشكلة جزئيا لكن انقلبت الاية صرت لا جلدت الموتر يحتر واسقط في يدي يا اخوان لين جاب الله اليوم وشفت هالمقطع.
‏ http://youtu.be/WvvspnsgEcI

والله وتكبر الفكرة براسي واروح افتح لي حساب بارامكس واجيبهن بتكلفة اجماليه مع الشحن 1547 ريال بعدين عقب التقليب بالمنتدى والنهل من الخبرات التي فيه استنتجت انه لا غنى عن التماتيك لو هي فقعة راس
خصوصا لا جا الجلد على الموتر والله واركبهن قدام خصوصا انهم موفرين لك خيار السحب والشفط كل الي عليك تفك قفيز المروحة وتشقلبها وابشركم الموتر عقبه لاوقف صار ازين منه اذا مشى كل الي عليك تحط وحدة حساس مرسدس والثانية مع المكيف وهذا موقع الشركة علما انها بامازون ارخص بعشرة دولار او 12
المقاس 12 انش 225 واط 1565 سي اف ام
http://www.maradynehp.com/products/champion/m122.php

عسى الله ينفع بما قد نقلت اليكم ، واعذروني ان كان في الموضوع نقص