[POEM="type=2 color=#006699 font="bold x-large Arial, Helvetica, sans-serif""]

تغيب شمس وتنتهي كل الأحلام = وتِشْرِق وتصحى كل الأحلام فيني

السالفة فيها تواريخ وأرقام = وفيها من الواقع قهر محتويني

إلى متى والضيم باقي والآلام = إلى متى ياصدمتي كلّميني

مجروح وجروحي لها عدّة أعوام = وإنتي ولاكِنِّك أبد تعرفيني

أعيش بأرضك يومها كانت خيام = وزرعتها وأسقيتها في يديني

مخلص ولاخِنْتِك على مر الأيام = لو كنت خنتك كان أنا أقطع يميني

وأستاهل إن خنتك تجازيني إعدام = لكن حفظتك من وفاي وحنيني

أنا أحرسك مَغْفِر لجفني لوينام = دوم اشتريتك محسبك تِرخصيني

والحين صرت بسوق الأوراق منسام = إنتي تبيعيني ولاتشتريني

لاماهقيت بتالي العمر أبنضام = ولا ماهقيتك يالغلا تنكريني

يارب كم شفنا على الأرض ظلّام = نسوا معاناتي وخدمة سنيني

منهو أنا ياللي تخطّون الأقلام = منهو عرفني أو عرف والديني



[/ POEM]