هل سبق وأن لقيت كروان وضيعته ؟
 

هل سبق لك وأن لقيت الكروان وشفته رأي العين وبعد كذا حرثت الأرض ومالقيته ؟
هل سبق لك أن حدث لك مثل هذا ؟
طبعا احدى حركاته أنه يلبد وما يتحرك فيصعب انك تطلعه ولكن أنا أقول أنك حرثت الأرض حرث وما لقيته..خيطت الأرض تخييط ومالقيته..تدري وين راح الحلو ؟؟
أنا أقول لك ولا تندهش..فقد مر علي كثيرا مثل هالحركات مع الكروايين...
تلقاه أثناء ما تفر بالموتر قد قطع 2 او 3 كيلو من موقعك ي حبيب هههههه وانت جالس تفحط في 200 متر او 300 متر والأخ قد راح ههههههههه
مرة لقيته وضيعته وحرثنا الارض وما لقيناه وكان معي طير طلع خطير..طار الطير وعلا وعلا وعلا بطريقة غريبة تابعناه بالموتر مسافة اكثر من اثنين كيلو متر ومن ثم أنصل على الكروان وتفاجأنا الحقيقة...وقصينا جرته فوجدناه هو كرواننا نفسه يسعى من مكان ما ضيعناه الى المكان اللي انصل الطير عليه ههههههههه وكانت المسافة اكثر من 2 كيلو متر بقليل
( مشاركة حبيت أشركها معكم مع موسم قرب المقناص ) وان لك موقف كهذا او حوله فنسعد بقراءته