مالي بها ../ واللـي خلقنـا .. رزقنـا ~
 

لــشــآآعـــرهـــآآ .. عبداللهـ الظفيري ,,



:
:
:


العذر نبْدِيـه دون استخـاره



وبعض الشِعر لو (نسفهه) ماعتقنا !






ياصاحبي.. شاعرْك قبـل اعتـذاره



تصرخ من أبياتـه -أفـا- تعتنقنـا






لو كل من يكتب "برز" عن جداره؟



ماكان من كثر المشاهيـر ضقنـا !!






والساحه اصبح من حكمها قـراره



يُحسب عليهاْ وصيدته من فشقنـا






ماعاد فيهـا مـن لبيـب وإشـاره



من وين ماخطوا خطـوط انطلقنـا






صرنا نوطّـي هالشعـر واعتبـاره



حتى تبرّت جبهتـه مـن عرقنـا !






صارت أماسينـا تشـب النعـاره



حتـى قرفنـا جوهـا واختنقـنـا






صار التعري - بالمنابر- جسـاره!!



حتى حرقنـا كرتهـا .. واحترقنـا






هذا تسوّل! .. ذا قلبها دعـاره



وهذا معه من قلة الـذوق .. ذقنـا






شعّار.. لكـن وبصريـح العبـاره:



ماظل غـاوي بالبشـر مالحقنـا !!






ومن قال: مقياس النجاح.. الإثـاره



قل له: عسى في عمرنـا مانطقنـا !






الناس ملّت صوتنـا .. والخسـاره



إنك تشوف اللي شرانا .. سرقنـا !






ياصاحبي والشعـر أقـرب تجـاره



مع القلوب الصادقه .. لو صدقنـا






يامـا نمسّيهـا بكسـر وجـبـاره



ونصبح فتحنا ابوابهـا .. ماطرقنـا






نكتب لها: جرح وغيـاب ومـراره



وفيناْ اتّهجـى عشقهـا ان عشقنـا






تدري وش اللي يستحق انتظـاره؟



احساس واعي ينقـري فـي ورقنـا






ياصاحبي: شهره../ دراهم../ صداره



مالي بها واللـي خلقنـا .. رزقنـا






اقرى شعوري مـن ورا هالستـاره



من غير زحمه.. وامسيات اتخنقنـا !!





سوآلــم ،،

حَ ــيـَـآآتـِـﮯ قَبُل تـَـ حِ ــيـَآآتـِـﮯ

» غَـצּ اْلبـﬤـﺮﯧـטּ «

لو كل من يكتب "برز" عن جداره؟

ماكان من كثر المشاهيـر ضقنـا !!

مشكورة اخيته عالطرح الطيب

تسلمين عالقصيده الغاويه
و لا هنتي } ~