اجمل ماكتب في الطير
 

السلام عليكم ورحمة الله وبركاته
اعضاء منتديات مكشات ارجوا التفاعل مع الموضوع وكل واحد يكتب اجمل القصايد في الطير لانا ملينا من القيض .
انا راح ابدا بهذه المختارات :
الأمير خالد الفيصل




والعين ياعين بحريه ** لعيون الأحباب نهابه



البحريه هنا مقصود بها الشيهانه البحريه وهي مافقع لونها ومالت للخضره

او الزرقه الموشاة بالريش الأسود




واستخدمت كرموز وكنايات يصف عين محبوبته بعين الصقر

قال الحثربي



انابلاي مدعج العين بالميل ** اللي يدلك بالزباد الخزاري

عيون طفقات هدبهن مظاليل ** كنه عيون مصخرات الحباري

((مصخرات الحباري)) كناية عن الصقور القوية التي تصخر الحباري




وقال ايضآ الشاعرلايحضرني اسمه


العين عين مشقلب الخرب لاطار ** حرسراويله تعدى حجوله

حرعديم مخلبه تقل شنكار ** متفهق الجنحان عرضه وطوله



والخرب هنا هو ذكر الحبارى وهو اكبرحجمآ حتى من الصقرنفسه

فمن قوة الصقر قدرته على منازلة من هو اكبرمنه


قال ايضآ خلف بن هذال العتيبي



ياعين حر لنجد قنصوبه ** له ماكرٍ في قرون الهضابي

يطرح عشاهم لياروحوبه ** لوطاربين السماوالسحابي




وفي ارتفاع عش الصقرميزة حسب رأي خلف بن هذال

ويؤكدها محمد بن عوض الحربي في قولة :


عين اشقر مرباه روس الشواهيق ** عن ماكرماجيب واف العلومي




ولم يستخدمو الشعراء اوصاف الصقروالحباري في الحب والغزل فقط بل في

المدح ايضآ ,,,


فقال الشيخ نافع الفضلية يرحمه الله مخاطبآ المللك عبدالعزيز يرحمة الله..

ياشيخ ياللي من صواريم سنجار ** عساك تبطي ماتطب القبوري




وقال ايضآ الشيخ تركي بن حميد احد شيوخ عتيبه واصفآ قبيلته ..



حناكما حرآ مرابيه الأوعار ** يشهر الى شاف الجفا عنه راحي

حنا مسقية العدو كأس الأمرار ** ومعيشة بالضيق برق الجناحي




وكما قال صاهو بن لامي شيخ الجبلان من مطير



ندوسهم ياعبيد مع فجة النور** كما يدوس الفرق فرخ القطامي


وقال ايضآ ماجد الحثربي الشمري يمدح قبيلة السويطات



سويطات ماهم من ارذال الحمايل ** من ماكريذبح من الصيد جلة



وقال ايضآ ساكرالخمشي يمدح الشيخ بن مهيد



لوانت طير لي رقبتي رهينه ** متبجح صدري الى رحت صقار

تعجبك بالصقار خبطة يمينه ** عفار مابالقاع لحاق ماطار





وكما استخدمت في المدح ايضآ استخدمت في وصف سرعة الخيل

والهجن ,,,


فيقول كنعان الطيار



يشبه نعام في جذيب تحدر ** والأالنداوي يوم ترخي سبوقه


وقال ايضآ الشيخ محمد بن هادي بن قرمله القحطاني


يبري لها قب سواة الشياهين ** قب الى هد القواصر قطاعه

وهوهنا شبه الخيل بالشياهين لسرعتها في وصف عزة الصقر



وقال ايضآ عياد العنزي


ياقلب ماتترك هوالطير وتريح ** الطير راح لماكره واستراحي

ضار لقطع رقاب بيض مدابيح ** ماعاش في منة يدين شحاحي
والسلام عليكم