|
آهـ يا وقت(ن) توارى في السنين بسم الله الرحمن الرحيم آهـ يا وقت(ن) توارى في السنين ........................... واندفن من تحت عام(ن) فوق عام يجرف القلب المعنّى له حنين ............................ وتنكسر نفس(ن) تغشاها الهيام ساقني له بالفكر علم(ن) رسين ........................ ما درى به عاذل(ن) يهوى الملام ذكريات(ن) طابعات(ن) في الجبين ........................... باقيات(ن) راسخات(ن) للدوام الدموع اللي بعين(ن) ما تبين ........................... تجرح العين اومحاجرها سقام ياشقا نفس(ن) بها جرح(ن) دفين ............................. غايرات جروحها وسط العظام مالت الدنيا وصار الزين شين ........................... والهموم لها على صدري ركام آل – بوهلال التميمي (ابوراكان) |
| الساعة الآن 10:30 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir