سلام يبوماجد ويالسباعه
 

السلام عليكم

مساكم الله بالخير

لغز جديد للجميع

سلام يبوماجد ويالسّباعه

ومنهو شرانا نشتري مانبيعه

وياعل يشملنا العفو والشفاعة

في يوم قرّب ..والليالي سريعة

لغزي ترى نحتاج له كل ساعة

فيه نتحدّى الغدر ..ويّا الخديعه

موجود عند الأنبياء ياجماعه

وموجود عند اللي لربه يطيعه

مايخسر اللي دوم يرفع شراعه

معاه رب الكون رب الوسيعة

والشخص دايم يرتفع بارتفاعه

والشخص مايِجزى يكود بصنيعه

ومنهو تحلّا به اذا الوقت راعه

يفلح ..وعمر الشخص مثل الوديعه

ومن مالقاه يقوم هو باصطناعه

وياحظ منهو له سلوك وطبيعه

وسلامتكم

ومايحتاج تنسقونه يااخوان لان الحل قريب ماشاءالله عليكم