حتى أبومتعب قالها يالحلاحيل
 

السلام عليكم جميع

أخواني لغز جديد وتوني بدعته

اذا فيه ملاحظات أتمنى اسمعها واستفيد منكم

هذي هي الدنيا نهارٍ ورا ليل

والليل مايبطي سريع انقشاعه

والصابر اللي يحتمل للغرابيل

يتعب ولكن يحتسب كل ساعة

أنشدك عن رجلٍ يجيب البهاذيل

رجال مفرد وانتسب للجماعة

رجال لكن منتسب للخلاخيل

واسم الرجل موجود بالجسم راعه

مشى تمدد لين مابيّد الحيل

والحمدلله ماعرفنا الجزاعة

شيٍ يجي بالعضو من غير توصيل

وماهو يجي من فقر وإلا مجاعة

بالنار وإلا بالدوا والتحاليل

يمكن يروح ونبتهج في وداعه

حتى أبومتعب قالها يالحلاحيل

قال بخطابه وانصتوا باستماعه

شيٍ قديم ومستمر جيل مع جيل

وصلوا على اللي نفتخر باتباعه