منتدى استراحات زايد - الــــهـــوى .. أول حروف الهوانِ // بقلمي زياد السنباني

مدخل // بقلمي زياد السنباني

كنت احسب الوقت عوضني على صبري
واثره يدمر بقايا احلام ورديه

بعد الخيانه تمنيت اسكن بقبري
وانسى زمان المواجع والأنانيه

**************************

((الهوى ... أول حروف الهوانٍ)) // بقلمي زياد السنباني

مــ اكذب عليك إني صراحه تحطمت
لمّا عرفت انك مع انسان ثاني

واني برغم الحزن فيني .. تبسمت
وبقيت اكابر رغم إني أعاني

الغلطه اني ما فهمت وتعلمت
إن الهوى أول حروف الهوانِ

انته شرحت وانا بدوري تفهمت
وعرفت وش لك من طموح وأماني

أدري ان مالي حظ مهما تكلمت
وادري ان قلبك صعب يبقى مكاني

خلّص كلامي ما بقى لي سوى الصمت
حظي أعيش الحزن باقي زماني

*********************

مخرج // بقلمي زياد السنباني

لا والذي بأقل الاخلاق سواك
واضفى عليك الكذب والزيف والغدر

ما كان حبي غير رحمه لدنياك
ولا وصل قلبي ولا لامس الصدر

مثلي إذا فكّر يحبك ويهواك
فـــ امك دعت لك ساجده ليلة القدر