انا لك اصحاب و ناس و عٌمر. R s
 

تبسمي وأعطيك من عُمري عمر، تبسمي وأعطيك كليّ لو تبين.

في البداية قصة حب هذي تختلف من أي قصة حب ثانية ..!!
كيف ؟ انا بخبركم ..

شيخة : انسانه طموحة وحلوة وطيبة على نياتها بس تحب نفسها وايد وماتحب حد يقلل من شانها , انسانه خسرت والدها , وبعد حب خمس سنين خسرت احلى حلم في حياتها ..

راشد:انسان مايعرف الاستقرار مع شريك حياة .انسان يحب الوناسه وربعه واهله وماعنده اهتمام ثاني بس طيب وحنون

في البداية : كالعادة راشد في الانستقرام لايكات ويرمس وايد بنات وهو يدور اكاونتات حصل اكاونت غريب برايفت وحب انه يدخله ويعرف صاحبته حاول يعرف كل شي عنها وماقدر وسوالها لايكات وردتله ب لايكات وراشد حاول حاول لين ماوصللها وطبعا كالعادة بيتعرف عليها واتعرف عليها ومارضت انها تستمر وياه بعلاقة وتعرف نوعيته كيف وبغى يرمسها فون لان تلفونه فضى وماعنده خدمة ..

تتوقعون بترمسه ؟

أمم بداية حلوة بس مافيها وايد كلام وجي
بس أتوقع انها بترد عليه وهالبنت هي شيخة


sis : memowla

ردت عليه وكلمته واستمرت علاقتهم شهرين بس كانت مجرد علاقةة عابرة

راشد : انا صدق ابيج وابيج دوم
شيخة:وانا ماعرف احب ولا مستعدة خلنا ننهي هاي العلاقة لاني حاولت وماقدرت حتى اني ادخل أي علاقة.
راشد:بسس ليش؟ ماحبيتي شخصيتي ؟ انزيين شكلي ؟
شيخة : ومنو قالك كل اللي قلته يهمني انا مابي ارتبط بعلاقة مب محددة مصير اللي وياي ياخي احس الشي صعب مب قادرة اتقبلك.
راشد:بس انتي جي قاعدة تحرمينا نحن الاثنين من الشي اللي نباه احسج تبيني بس في حاجز.شليه شيخة خلينا نعيش حياة حلوة متكامله
شيخة:على اساس انك قادر . حالي حال أي بنية دشت خاطرك وبغيتها انته حتى مب شايفني يمكن ماطلع حلوة وبعدين كيف انا اثق ف ريال يكلم مليون بنت؟
راشد:بس انا خبرتج وراويتج هايييل أي حد بس انتي غير اناا احس ابا اكمل وياج
شيخة:لا ماقدر . على فكرة ترا بدايتك غبية وايد الثقه ماتيي بهاي الطريقه في ميون طريقه وطريقه.
راشد : اوكي لاني ابي اثبتلج انج غيير
شيخه :يلا ابا ابند انا مول مب فاضية
راشد فكري فيني بعقلج وتراني بعرف الحاجز اللي حطيتيلي
شيخة: اهاا اوكي يلا باي

راشد تم مده يفكر ويحاول يعرف اتوقع وايد اشياء ووايد بس ماقدر
اسبوعين وراشد مايرقد عدل وشيخة شاغله تفكيره قام ع صوت تلفونه وهو يرن
وكانت شيخه اللي تتصل وقف قلبه ويهه احمر من كثرر الوناسه
رد ومب عارف يتكلم
راشد: مابغيتي
شيخة:شكلك اتراقب التلفون انزين خله يرن
راشد:حرام يرن وانتي الللي متصله
شيخه:انا رديت اتصلت فيك عسب اقولك شي وايد مهم
راشد :قبل لاتقولين فكري فيني مب بس ف نفسج تراني احبج وابيج
شيخه:هههه انزين ابا اتكلم
راشد : يستوي ابوس ضحكتج ؟
شيخه: ارمس عدل ولا بهون
راشد : انزين انزين
شيخه : انا بقولك اللي عندي وعقب تقدر تقرر
راشد: بعد !! ااناا اللي اقرر وايد زين
شيخة :استغفرالله انت لازم تعرف انا شو ماضييه ؟
راشد: لا بس فيني فضول
شيخه : انا كنت احب واحد خمس سنين احبه ىاكثر من نفسي ومن اهله كلهم حتى كنت اشوف كل الريياييل خليفه
راشد :وعععع شو هالاسم خليفه اونه
شيخه :المهمودرني وجرحني وكسرت كل كلمة حب ف قلبي مافيني ذرة احساس بسبته انا ميته من داخل بسبته فضل وايد بنات عليه حتى لين اخر لحظه كنت متمسكه فيه بس كسرني كلي ومب قادرة اتحمل ومن بعده مابي ولا ريال
راشد: هذا غبي ؟
شيخه : ليش غبي ؟
راشد: عنده شيخه ويكلم غيرها
شيخه:انت شفيك اللي يسمعك يقول تعرفني شخصيا وشايفني ويالس وياي انت حتى ويهي ماتعرفه والقهر ماتعرف عني ولاشي الا رقم تلفوني
راشد:احسج بتعيبيني ,تعرفين شو اللي خلاني اتمسك فيج قوتج مافي ف هالزمن بنت ف هالقوة وانا ابي وحده مثلج تربي عيالي
شيخه تمت ادمع وكاتمة الصياح وتبا اتصارخ
راشد: تعرفين انتي بالنسبه لي حلم وانا مابي اتم اكلمج مب عشان شي لاني مارضى عليج انا اخاف غليج مني ومن كل شي شيخة انا مابا اشوفج لين ما اخطبج وبطلب النظرة الشرعيه واهني بشوفج ولو تبين وقت الملجه بشوفج
شيخه تمت اتصصصيح : راشد لا انت تقول جي يمكن لامي كسرت خاطرك انا ضعيفه واضعف من اضعف انسان من داخلي انا امثل القوة والله امثلها
راشد: انا بحميج منهم كلهم انا بخليه يندم انه خلاج
شيخه : ومنو قالك ماندم ومنو قالك انه يهمني انا اكرهه كل الحب ف قلبي له تحول الى كره ماحب طاريه واكره الريياييل بسبته
راشد: بس بتحبين راشد يلا عطيني رقم امج
شيخه: سير لا
راشد: عطيني يلا
شيخه: شو بتقولللها ان شاءالله اتعرفت عليها جذي
راشد: بقولها اللي بقول عطيني يلاا
شيخه: بند بطرش مسج يلا باي
راشد: استحي على ويهج قولي كلمة حلوة
شيخه : مب قايله يلا
راشد : من اولها جي هههههههه
شيخه:ههه باي انزيين

وبعد شهر زاروا اهل شيخه بيت شيخه وخطبوله البنت
وقت الخطوبة
ام شيخه :يلا تجهزي الناس برع
شيخه : انا ليش؟
ام شيخه: ههههه ياييين يخطبوني انا ؟
شيخه:انزين مب اللحين يلبسون تو الناس
ام شيخه :كيفج

راشد طرش مسج لشيخه

راشد: انا في الدرب حبيبتي مب عارف كيف بشوفج احس يالس اتخيل ويهج ومب قادر اصبر
شيخه تضحك: يا الاهبل كون ثجيل وبعدين انا عادية مب حلوة
راشد : انا عند الباب بترياهم ف السياروة لين مايزقروني يلا طلعي
شيخه: سيرر لا انا مب متلبسه حتى
قامت شيخه وسبحت ولبست مغربية خضرة مع تطريز اسود وحطت مسكارا ورووج خفيف وبلاشر
شيخة نزلت الميلس اول مادخلت سلمت عليهم كلهم وطبعا الكل يترياها ويتريا يشوفها
ام راشد: هاي اصغر بناتج ؟
ام شيخه : اصغرهم واكثر وحده تدلع
ام راشد: يحقلها واللحين يحقلها اكثر لانها بتكون حرمة الغالي
وراشد متحرقص برع يبا يدش لين ماشاف سيارة سودة تحوم حول البيت وطبعا مثل ما الكل يعرف وايد فضولي لين ماشاف واحد نزل وحط ورده وورقه ع سيارة شيخه
راشد نزل ووقفه : تعرف حد من اهني
الريال : انت مايخصك
راشد : بتقول ولا كيف
الريال : انت ايه قوم قوم عن ادخلك العناية
راشد : انا ريل بنتهم انت شو تبا
الريال : أي بنت
راشد : مايخصك
الريال : راعية هاي السيارة؟
راشد: ومنو راعية السيارة
الريال : سير جدام اقرا الاسم ع السلسله
راشد من شاف راحله : قوم عنها انا ريلها
الريال : خسي انت تاخذها
راشد : اليوم خطوبتنا وانت منتو عسب جي تقول
الريال : انا خليفه لا ماقالتلك منو انا
راشد : قالتلي وتكرهك ومادانيك
خليفه : ان ااعشقها وانا االلي باخذها
راشد بتقوم انت ولا كيف
خليفه شل بعمره وراح وتم طول الدرب يصيح ويتصل ف شيخه وطرش لها مسج
خليفه: مستحيل تتزوجين غيري انت بتمين لي بروحي
زقروا راشد وراشد معصب وايد بس اول ماطاحت عينه عليها عرفها وابتسم ابتساممممة عريضه واتنهد تنهيده لدرجة الكل ضحك عليه
ام راشد: راشد حبيبي تعال اللي لابسه الاخضرر
راشد بدون مايحس بعمره : مالتي اللي لابسه الاخضر مالتي زوجتي
شيخه قفطت وويها احمر وف نفس الوقت تبا تصفعه ع غباءه هههههه
تم يتاملها ساعه كامله وراح وصورتها ف باله وكل مبتسم نفس الابتسامه
وطرش مسج : طلعتي احلى من خيالي والله الله يتمملنا على خير يارب
شيخه : اميين


توقعاتكم + تعليقاتكم مهمةةةة ؟؟

خخخ ضحكني راشد يوم قال "مالتي اللي لابسه الاخضر مالتي زوجتي"

ماعندي توقعات