منتدى استراحات زايد - [ طلب برمجه ] : هام للكل تنوية وتنبية

السلام عليكم ورحمة الله وبركاته
عملت موضوع طلب سكربت التالي
http://www.traidnt.net/vb/traidnt2438720-3/
كثير عروض شفت منهم عرض الشركة العالمية هوست فرع المملكة العربية السعودية رقمهم
00966549075157
سكايب ايضا3almya host
اذا تلاحظون بالموضوع اشار تم الاتفاق مع القناص العراقي وانا وافقت على عرضة
السعر100 دولار والمدة9 ايام
تواصلت معه سكايب قال حولهم حتى نبدي واراد بعض التفاصيل
كتله ان شاء الله بكرا احولهم قال حاول اليوم حتى نبدي حتى لو كاش يو
كتله كاش يو غالي عليه تصبح مضاعفه قال اوك نص علينا ونص عليك
اتفقنا احوله 75 دولار حولتله كاش يو 50 دولار والباقيات 25 دولار باي بال
قال راح نبدي بالعمل بعدها قال بطريقة مقنعه لازم 20 دولار حتى نكمل عدنا

اكواد اضافية لازم نشتريها بالموت دبرت 20 دولار وارسلتهم اله
قال بقت فقط الارشفه في كوكل حتى يصبح اول رابط اخر شي 20 دولار
كتله ماعندي انا اتفقنا على 75 ودفعت 20 اكواد كال حرامات العمل وصل 90%
كذالك بالموت دبرتهم 20 دولار اخير شي اجه اليوم كال مبرووووك السكربت جاهز
واليوم راح تستلمه ورسله الي
يوم اجيت انصبه والا هو سكربت Open Classifieds المجاني
اجيت لقيته بسكايب بديت احجي وياه كتله يانصاب ماخفت ربك وبعدها طلع من سكايبب
مع العلم لو تشوف كلامة وكله ماشاء الله وعلى بركة الله وطبعا مصري قال ساكن بالرياض
طبعا اني احتسبت عن الله وحاشاه يضيع نجواي

ملاحظة.حتى تعرفو ليش هل بلاوي بينا العرب حتى تعرفو كله من ايدينا
ندعي الله سبحانه ينصرنا بغزه وغيرها ونحن واحد ينصب على الاخر طبعا
مااعمم اكو الصالح والطالح اني راحن تقريبا 115 دولار بالعراقي عدنا صارن
227 الف تقريبا بس اكول حسبنا الله ونعمه الوكيل وبس اريد اعرف
شلون يوكل اهله حرام واطفاله فلوس حرام كيف ينام اليل وهو يسرق حق الناس
اطالب اولا من تراينيت حذف عضويتة والتنبيه للكثير حتى لا يقعو على مصائد ضعاف النفوس
ضعاف الايمان والعمل على منع مثل هذا ارجو ان لا يحذف اولا للتنبيه ثانيا ربما من حقي كعضو
وثقت بموقعكم الكريم واجيت هنا ابحث عن عروض لاني اعرف جيدا
موقعكم به الشركات الامينه جدا ولكن لا احسبه عليكم هو شاذ
ارجو ان يبقى لكي يتعض الكثير ويستفاد الكثير من امثالي ربما ماعدهم خبر بهل امور
واخيرا الحمد الله نجاني منه وفضحه وللمعلومه طالبني بمبلغ 30 دولار حتى نسوي اني وياه متجر
بس ربك سبحانه نجاني منه ويارب مايتهنى بيهم ابد ونار ببطنه والسلام عليكم ورحمة الله وبركاته
اتركم مع الصور للنصاب الشاذ الله ينتقم منه

http://www.traidnt.net/vb/images/img...014/08/599.jpg
http://www.traidnt.net/vb/images/img...014/08/600.jpg
http://www.traidnt.net/vb/images/img...014/08/601.jpg
http://www.traidnt.net/vb/images/img...014/08/602.jpg