منتدى استراحات زايد - صيد سكن17كيلو .. الهوك !! والخيط !! >> لكن الله جابها

السلام عليكم ورحمة الله وبركاته

كل عام وانتم بخير
وعساكم من عواده

تقرير خفافي لطلعه لراس الطرفه
يوم الجمعة الفائت اتفقت انا وابو محمد الذهاب الى راس طرفه

حركنا بعد العصر وكان الطريق هواء قوي وعج وايضا اثار امطار خفيفه وغيوم كلما اتجهنا جنوب ناحية جيزان
وكنا متخوفين من هطول امطار غزيره
خاصة بعد وصولنا للموقع لانه طريق الرجعه بيكون كله صبخات وما فيه مجال للطلعه

وصلنا موقعنا تقريبا الساعة 9.30 مساء
وفعلا جاء مطر بعد وصولنا كان خفيف
والحمد لله

نزلنا عدة الصيد
ابو محمد نزل سنارة فيها هوكات مقاس 11 فرنسي والطعم شرائح باغه

وانا نزلت سنارتين
الاولى فيها هوكات صغيره مقاس 11 ايضا فرنسي والخيط مقاس 40 والطعم شرائح باغه لاستهداف الاسماك الصغيره
وهذه ام الخير ^_^

والثانية مجهزه بواير وهوك كبير والطعم حبات باغه كامله لاستهداف الاسماك الكبيره
لكن ماكتب الله لي فيها نصيب وما ضرب عليها شيء

استمتعنا صراحه بالجلسة والاجواء والصيد وكان اكثر الصيد من اسماك الناجم
وايضا طلع معنا 5 حبات من اسمك ابو شنب اوالكات فش = اختلف المسمى عليها
احجام طيبه وكانت من نصيب عمال عندي هنود وبنقاله

على الساعة 3.30 فجر فكرت ارسل مجرور فلين
واثناء تجهيزي له
ضرب شيء كبيرعلى السنارة الصغير
في البدايه توقعت انها سمكه ابو شنب لكن لما مسكت السنارة اتضح لي انها سمكه غيره وكبيره
قلت يمكن تكون لخمه = لقيطه او قرش ملائكي لانه دائما ما تضرب معانا في هذه المنطقه
ونفس طريقه السحبه = سحبه مستمره واذا جت معاك تكون ثقيله وترجع تسحب بنفس الطريقه وهكذا
وايضا تروح يمين ويسار وشربكت السنانيرعلينا
لاجل كذا ما اهتميت كثير وجات على لحظه فكرت انه اشد عليها لاجل تقطع الخيط وانفك منها

قلت خليني اسايسها واطلعها
وسبحان الله
كانت المفاجئه اللي ماتوقعتها ابد
خاصة وان الهوك صغير مقاس 11والا الخيط ماعندك مشكله فيه حتى لوكان 40
لكنه رزق وانكتب من رب العالمين

سكن 17 كيلو
ربي لك الحمد ولك الشكر

http://www.mekshat.com/pix/upload05/...5783_mk100.jpg

http://www.mekshat.com/pix/upload05/...15783_mk20.jpg

حصيلة الصيد

http://www.mekshat.com/pix/upload05/...5783_mk300.jpg

وسامحوني على قله الصور
وعلى الاطاله

مع كل الود
اخوكم / محمد عسيري
ابو عايض