منتدى استراحات زايد

منتدى استراحات زايد (http://vb.ma7room.com/index.php)
-   منتدى أخبار المواقع والمنتديات العربية والأجنبية (http://vb.ma7room.com/forumdisplay.php?f=183)
-   -   لوكنت مكاني وش تسوي (http://vb.ma7room.com/showthread.php?t=1548183)

محروم.كوم 08-03-2014 09:51 PM

لوكنت مكاني وش تسوي
 
السلام عليكم ورحمة الله وبركاته
ياخوان حصل معي موقف طريف ومحرج في نفس الوقت وأبي اسرده لكم بماحصل وابيكم تقولون لي لو كنتو مكاني وش ممكن تسوي

القصه هي كلمني واحد من الشباب وقالي حصلت شوزن بنلي للبيع وانا ماعندي خبره في الشوازن وابيك تشوفها لي وصاحبها يقول ماخذها جديده ب20 الف ريال قلت على خير وانا والله بعد مامن ذيك الخبره ولاكن مرني متى ماتبي واشوفها لك المهم جاني خويي وطلعنا عند الرجال صاحب الشوزن ويوم تقهوينا راح وجابها لنا بجرابها ونزلها قدامنا مسكت الشوزن وذكرت الله وفتحت الجراب وانا اسحبها ولاهي شوزن مموهه اسمها رد ولف تركيه . بصراحه انحرجت من صاحبها يوم شفتها كذا عرفت ان الرجال مغشوش لان من كلام الرجال معانا أستبعدت انه عارفها تركيه ويبي يغشنا المهم سالت صاحبها قلت متى شاري المبروكه قال لها حول السنه اخذتها جديده ولاجاها استخدام كثير قلت وكم طالب فيها قال سوم الي بخواطركم قلت مامن بالخاطر شي وعطنا فرصه اليوم أن كملنا فلوسنا ولا ان جاك زبون ترزق الله فيها طبعاً خوي عرف الموضوع المهم مشينا من عند الرجال وقلت لخويي وش الراي الحين لازم نعلمه ان شوزنه تركيه ولاتسوى هالقيام هذي ابداً ولاكن منعني امرين الاول .

قلت يمكن الرجال يفكر اننا نبي نكسر سلعته علشان يبيعنا برخيص
والثاني
بصراحه فكرت اني لو بلغته ينغبن ويسوي مشكله مع الرجال الي باعه
هاالامرين هن الي منعني ان اعلمه في علم الشوزن قلت خلها تجي من غيري وهذي القصه الي حصلت معي يمكن اغلبكم يقول مهي معقوله مافيه احد مايعرف التركيه ولاكن فيه ناس كثير تجهل في هاالامور ولاكن ابي كل واحد يقول رايه في الموضوع لو كان بمكاني وش يتصرف


الساعة الآن 07:51 AM

Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By Almuhajir


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227