اقتربت من تكسير عدة الصيد و الإعتزال
 

السلام عليكم و رحمة الله و بركاته

جهزولي حفل اعتزال عن الصيد

ما أدري وين الخلل

من ناحية الصبر صابر

مدري وين المشكلة

هل هي العدة

العدة
1- قصبة بانكس كورية مدري كم تتحمل وزن فيها أرقام بس مافهمتها و طولها 2.7 متر
2- المكينة مدري وش نوعها مكتوب عليها 5:1 بيرنق و رقم 3000 بس حجمها لا بأس فيه

3-الميدار او الي يركبون عليه الطعم مدري هل هو اسمه ميدار و لاأنا غلطان اعتقد صغير يعني مثلا لو قرقفان بحجم الكف يكون ممتاز له مدري هل يتحمل اسماك كبيرة او أصلا ما بيثبت

الطعم :
روبيان و طبعا لما اصيد كأني أأكل السمك ببلاش لأنه ما يمسك تجي السمكه مستانسه و تنهشه نهش ما ألاقي إلا القشر هههههههه

و عندي حاليا سمك سردين شريته و حاطه بالفيزر مدري ينفع ولا لأ


أوقات الصيد :
بعض الأحيان بعض الفجر و بعض الأحيان الصباح و بعض الأحيان آخر الليل

طبعا من ناحية العدة كل من جا شافها قال ماتنفع مع إنه نفس المسافة إلي يرميها أرميها أنا لأني نازل تحت عند الصخور أما هم من فوق الصخور

و بعض الأخوة شافوالعدة قالوا أنت وخبرتك

تحطمت العدة شريتها بمبلغ و قدره

مكان الصيد كورنيش الدمام و الخبر

باقي ما رحت للهافمون ولا للجبيل


أرجو المشاركة و مساعدتي