لا تزعلين
 

الســـلام عليكم ورحمة الله وبركاته ....


ابيات بسيطـــه ..

إن شاء الله تنال اعجابكم ...


لا تزعلين



لا تزعليــن انت ِ المحبـــــة ما تفهمين
يا خلي كتــبت أنا لنفســـــــي وصاتي

تذكــرين يوم بدمعتـــي خــدي تجرحين
ما ألاقــي من يواسيــني في حيـــاتي

لا تزعليـــن قدامي بحــــزنك لا تنوحـين
محـــــدٍ كــان يسمـــــــع لك شراتي
واليــوم ما اسمـــــع أنا وأنت ِ تبكــين
كيــف اسمع للذي هانت عنــده غلاتي

قلي كيــف هــانت عشــــرتي تبـيـعين
ما أبقـى مع اللي علمني على شقـاتي

الحب ما بــه حكم قاضـــــي و قوانيــن
كل ما تخـطي يحكم علــــى الخطـــاتي

الوفا يبقــى بقلـــب بعـــــض المحبيـــن
وأنت محب ما تعرف تحب عرفته بحياتي

أكيد روحي وصاتـــي ودك تعرفــــين
امحيك من ذكـــــــراي هاذي وصــاتي

تحيــاتي

عبدالله المطروشي

http://up101.arabsh.com/my/46e2463.gif

http://up101.arabsh.com/my/26e08ae.gif

~---{ حي الله الشيخ

صح منطوقك ...~

له له شو مستوي اشوف اخونا عبدالله فـ الاستراحه خخ

ثرك شاعر ولا تقولنا ^^

المهم كلمات قمه من الروعه ابدعت ماشاء الله عليك ^^

ربي يعطيك الف الف عافيه ع الطرح المتميز ومنور الاستراحه بطرحك

عاد لاتبخل علينا باليديد ..~

نترقب اليديد من جداك الشيخ

والسموحه ع القصور البادر منيه

اختكم

غ ـيمه فـ سماكم }---~

http://up101.arabsh.com/my/26e08ae.gif

http://up101.arabsh.com/my/c735c09.gif

صح لسانك اخوي بوعابد..وبيض الله ويهك عالقصيد الغاوي



ابياتك واااااايد روعه...وفنتك الصراحه


بس عندي ملاحظه صغيرونه ومنك السموحه


فهالبيت:::


لا تزعليـــن قدامي بحــــزنك لا تنوحـين
محـــــدٍ كــان يسمـــــــع لك ســـواتي


لو تغير سواتي وتبدلها شراتي بيكون احسن...


لان فصياغة الكلام نقول سواي مب سواتي


فكلمة شرلتي ممكن تنيب عن هالكلمه..واسمحلي عالمغثه


يعني يكون هالبيت بهالشكل:::



لا تزعليـــن قدامي بحــــزنك لا تنوحـين
محـــــدٍ كــان يسمـــــــع لك شـــــراتي



يعطيك ملياااااااااااار عافيه ونتريا يديدك اخوي....



تقبل مروريــــــــــ.....

شو أقدر أكتب عقب كلامج

مقدر أرد حتى على سلامج




مشكوره اختي ع المرور الحلو

تكتب بشوق وإحساس

تخلي العاشق محتاس

القلم دايم رافعلك الراس

يا عسى ربي يخليك للناس


انا غيرت البيت

مشكوره اختي ع المرور