الحذر من نقطة مهمة اثناء تركيب جنوط الفتك الصيني للنيسان
 

السلام عليكم

اود التنبيه الى نقطه مهمة جدا وهي لمن اراد تركيب جنوط فتك لجيب نيسان من موديل2004 الى 2009 نيسان واجن الذي جنوطه الاصليه تجي فراشه

انا ركبت جنوط فتك لسيارتي ربع 2009 المهم شريتها من جدة كيلو 2 خلف محلات زينة السيارات

وتم النصب علي بالصواميل الي تجي داخل كرتون الجنوط طلعت حقت كامري

المهم شريت الجنوط مقاس 17 بكامل محتوياتها وارد مؤسسة بانعيم

وركبتها عند بنشر لما وصلت ديرتي وكل شي

المصيبة يوم من الايام بنشرت ويوم جاء البنشري يفك الصواميل تكسرت اربع مع مساميرها

وماقدر يفكها حتى بالمفتاح اليدوي

ولما اخذت الصواميل المكسرة للشركة عشان اغير المسامير الي جوة طلعت صواميل كامري 2006 وحسبي الله ونعم الوكيل

المهم غيرت 5 صواميل كامله والان كل مابنشرت تنكسر صامولة واو صامولتين مع المسامير من الباقي

فالحذر يااخوان عند تركيب الجنوط الصيني انتبه من الصواميل او اشتر صواميل من الشركة افضل قبل تركيب الجنط الصيني


الجنوط الصينية وارد بانعيم كويسة ومافيها مشكلة بس المصيبة الصواميل الي تجي معاها ماهي حقت نيسان في الغالب