مواقف طريقة خلال السفر
 

:qww98874:شو رايكم كل واحد يشاركنا بمواقف طريفة مرت عليه خلال السفر:wegr4: ببدأ بموقفين مريت فيهم بنفس اليوم...ان دل على شي..دل على نحاستي :rofl:الموقف الاولقبل كم يوم من طرح هالموضوع..شفت عرض على طيران الامارات على الطيارة اليديدة A380 اقترحت على ربعي نسافر على الوييكند ورادين..وافقوا..حجزنا بيزنيز وسوينا upgrade على الفيرست..زهبت الشنطة ورتبت كل شي بالليل والطيارة الصبح..توني برقد جان اتذكرت الجواز :hhjkl:..معقولة؟ حد ينسى الجواز..اهم شي...سرت اطلعه ..دوم احطه بنفس المكان ..دورت عليه ما لقيته..جلبت الغرفة فوق حدر ما لقيته..بعد ساعه من البحث..فقدت الامل احصل جوازي...يعني ماكو سفرة الصبح والرحلة بتخترب على ربعي...صراحة شعور ما ينوصف...فجأة اتذكرت السيارة ...اخر مكان اقدر ادور فيه ومن بعده لازم انسى سالفة السفر :^23:..نزلت ع السيارة وبطلت السده..جان احصل الجواز...مادري شو وصله في السيارة..بس ردت روحي من شفته..:075: الموقف الثانينشيت الصبح بكل نشاط وحيوية..اتعدلنا واتكشخنا وحطينا النظارة الشمسية.....بعد لزوم الفيرست ...وصلت المطار وتلاقيت ويا ربعي..اتجدمنا على كاونترات الهجرة عشان يجيكون على الجوازات والتذاكر..سلمت الجواز وبكل ثقة اترياها اترد لي الجواز في اقل من دقيقة..طولت الاخت...ربعي يتريوني وانا اطالعهم.جان اتقولي ممكن تعق النظارة :vb_comean (قلت فخاطري شو تبا هذي تتفلسف عالصبح)...تمت تشيك على الكمبيوتر..سالتني اسم امك فلانة...قلتلها نعم فلانة الفلاني (واسرط ريجي اممق..ليكون اللي بالي بالك وانا ما مسوي شي)..جان تزقر وحده ثانية شكلها المسؤولة..مادري شو سوت على الكمبيوتر..قالتلي ممكن تيي معاي المكتب ( طبعا واثق اني ما مسوي شي لكن فشله.. فيرست وداش مكتب هجرة لو ايكونومي جان كلبشوني من جدام الكاونتر :rofl:.. وبعدين شو بيفجني من لسان ربعي :rofl: بيودوني عليه شهر كامل) سرت المكتب اشتغلت على الكمبيوتر وقالتلي سافرت من قبل؟ قلتلها هي كم مرة السنة اللي طافت..ردت حد وقف ولا شي؟ قلتلها لا محد وقفني ولا سالني..ردت علي بس في تشابه في الاسم الرباعي واسم الوالده مع شخص مطلوب عليه وايد قضايا :^28: وحبينا نتاكد..خلصت وطلعت وربعي كانوا في استقبالي...استقبال حار الصارحة... كل واحد عق علي تعليق محترم...يا مجرم..فشلتنا طلعت مطلوب....الخ...بذمتكم هذا ويه مجرم >>> :dddvvv: حتى فضحوني في مكتب الاستقبال في اللونج الخاص بفيرست...اوني مطلوب وعلي قضايا..حاسبوا منه:^8:....حتى وانا نازل في الدولة الثانية..كنت خايف انهم يوقفوني عند الهجرة ويطلعولي سالفة تشابه اسماء..مع انه شبه مستحيل :rofl: نتريا مشاركاتكم وتعليقاتكم :dddvvv:

أكثر...