|
الدمعه الحمــــــراء السلام عليكم ورحمة الله وبركاته اسعد اللله جميع اوقاتكم بالخير والمسرات يسرني ان اقدم لكم هذه القصه الرائعه آمل ان تنال استحسانكم تلك هي قصة الراحل محمد الاحمد السديري رحمه الله الذي كان يكتب عن زمان مضى اجمل رغم البساطه ونحن في زمننا هذا والذي نتمنى ان يكون جميلا وتسعد الاجيال بذكره نقراء ماسطره الراحل رحمه الله عن هذا الزمن بكل مافيه من هيبه ــ وطيبه ـــ ووقار ــ انه زمن الحب العفيف الطاهر كتب السديري عن وفاء البدوي الوافي وشيمته وعن شرف الحب وعهوده التي تربط البدوي العاشق بها حتى موته كتب عن عشق الشيمه وطهارتها ونظافة عرضها فكانت هي (شيمه و وافي ) فيقول الامير الراحل رحمه الله في اول لقاء للوافي بشيمته لقاء الطهر بالبراءه جيتك وانا عن كل اهلك اتغبا جيتك وحاديني من الود حادي من كل خلق الله لك القلب حبا ومن شانكم يازين تعبت جوادي وخليتها بالكود يمك تخبا تاطاء الوعر هو والسهل بالايادي ثم ادرف قائلا هذه الابيات على لسان وافي قبل امس جيت اطلب ودادك وصديت وش فيك للقلب المعذب تغيضي عز الله اني بالموده تماديت ومن سبتك يازين قلبي مريضي اوقف بجاه اللي فرض حجة البيت شف عبرتي يازين عقب التنهات شف دمعتي من فوق عيني تفيضي لولاك ماتعبت نفسي ولاجيت غثني بفضل ارضاك وارحم جضيضي ثم يبدع في وصف الشرف فيقول بلسان وافي ايضا يابنت انا جيتك على الرجل حافي مع فقرة يضيع منها الدليله بالله ياراع الثمان الرهافي نبي لك اسمك ياعنود الجميله ثم يأتي الرد من شيمه جيت المكان اللي به الزين وافيت صافي الجبين وسيد تلعات الارقاب جيته وهليت العباير وونيت وقفت به والدمع ممطر وسكاب واصيح باعلى صوت عقب التناهيت وبقيت ادوج فيه لين القمر غاب ولا لقيت الا الجوازي مصانيت وتركتهن من شان وضاح الانياب وعويت من جور العناء ثم ونيت ولجلج صداها بين شعبان وهضاب على الحبيب اللي لشوفه تشافيت اللي من اسبابه شعر عارضي شاب لله در الامير كيف هي مشاعره وكم هو رائع هذا ماكان من الوافي فكيف صاغ ماحست به شيمه فقال على لسان شيمه ان غاب وافي كل شي معه غاب والروح من بين الضماير سلبها وان كان شفته فزت والقلب لي طاب وفرحات قلبي صاحبي هو سببها العين في بعده عن النوم حراب وقربه دواء عيني وبعده غضبها قلبي يحبه لو نحى يم الاجناب تفداه روحي لو حبيبي نهبها لايزال يبدع لنرى المزيد من الحب العف قتقول شيمه ياوافي العراف صديت عنا وانا عليك دموع عيني تجارن ياما سهر طرفي وياما تمنى والقلب تاق بضامري عقب ماون وافي عليك ياشيمه دموعي جرنا وعويت لين ان الضواري تعاون عويت وسحمان الضواري عونا وعلى ونين القلب جن يتعادن شيمه ماجور ياوافي لعك تهنا قلبي ضحك لك قبل مايضحك السن ليتك قريب الدار وابوك منا وليت ولد عمي وازورك بلا من وافي عليك قلبي بالضمائر معنا وسهوم نجلك صوبنب ولا اخطن قمة الابداع على لسان وافي وشيمه ثم تقول شيمه يارجم وين اللي بناك وشيدك يارجم ليتك بظلك تظلني الا اوجست من عقب الفراق لهيب حبيب بناك العام يارجم وانتحا يارجم انا احبك على شان صاحبي بعيد وهو وسط الفؤاد قريب يسهب السديري في وصف المأسأه يبكي وافي فيقول انا عفت نجد وصاحبي بين حيها ولكن حبيبي حيل دوني ودونه وحبل الرجاء منى قطع كف جاذبه وانا اوجست قلبي بين كفين طاير بثومة فؤادي شارعات مخالبه انا عفت نجد وحبها يسكن الحشا وفيها عزيز الجار فلبي يداعبه رعى الله من حبه تمكن بضامري ولو مت روحي دائم عند جانبه ثم يقول يازهرة في نجد قلبي عشقها يمشي لها بالود عجل ومطواع من وين ماراحت مشى القلب معها وقلبي على زين الحجاجين مهراع لكن نحن على يقين انهم ان كانوا شخصين فانهم بقلب واحد هنا بعد موت شيمه قال الواقي ياقبر ماتنفاج لي وانت مسموح تنفاج لي ساعه وانا منك راضي نبي نوادع غالي فيك مملوح حبه بقلبي دامي الجرح ماضي عاف الحياه وعلق الروح بالروح وقلبي عليه من المعاليق جاضي واتبعت من فرقاه نوح باثر نوح والقلب ذاب وباقي الصبر قاضي ياقبر ابي اعاهدك ياقبر ماروح الين ماتيبس عيوني مغاضي عليه قلبي بالمعاليق مجروح وعلى نصايب قبره الدمه فاضي هنا نصل للدمعه الحمراء عنوان الموضوع فنرى السديري يقول على لسان وافي خلوا جريح القلب ينوح عاليه وخلوه يلحق غايته منتهاها وخلوه ينثر من عيونه عباريه حتى تفيض عبرته كل ماها مرحوم ياللي ماسلا القلب ناسيه وعيني بكت فرقاه وامطر سماها مصور بالقلب زوله وطاريه وروحي من اسبابه تدانت خطاها ان مت حطوا غالي عند غاليه حتى المطر يسقي ثراي وثراها يابوي لاتلحق غلامك مشاريه حبه برى حالي وروحي طواها عزي لمن مثلي يصفق بياديه بالقبر عينه غاب عنها ضياها لو هو ليا ناديت يسمع مناديه جريت ونات يزلزل صداها عاف الحياه وراح روحي تباريه واقفت به الدنيا ودارت رحاها يظل وافي يصارع سكرات عشقه فيقول السديري على لسان وافي ان مت في جنب الحبيب ادفنوني لعل طيفي يجتمع هو وطيفه وازرع علينا مخضرات الغصوني تظل شيمه ويتظلل وليفه وان كان يالعراف لي ترحموني اركز على القبرين بيضاء صحيفه . اكتب ولابد الملا يشهدوني هذي قبور اهل العروض الشريفه كانت هذي اخر دمعات الوافي وشيمته والسلام عليكم |
| الساعة الآن 06:11 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir