مشورتكم ياهل مكشات ضروري
 

السلام عليكم ورحمة الله وبركاتة
ابي شوركم في جيب لكزس 2006 بريمي
كيف استخدامة وكيف قطع الغيار الاستهلاكية
وكيف صرفة في البانزين واي شي من ناحيت
استخدام الموتر
انا ابي هدد 2007 فل كامل قير عادي ونش دفلك ولا حصلت نظيف وبسعر معقول
وشفت الكزس وجازلي بس اسعاره غالية
ولقيت واحد حليو ماشي 222 الف وممشاة كثير شوي
بس الموتر نظيف ومع رجال كبير
ولا سمتة منة لان الرجال اعرفة وانا ماعرف كم يسوى الموتر
ولا لي خبرة فية وحتى طريقة فحص الموتر يعني ماعرف شي
واخاف اخذة ويطلع القطع غالية وانا ابي موتر لي ولزمن
والفلوس بالعربي انا علي قد حالي ولا ابي الديون ابد
حدي بالكثير 140 الف واكثر من كذا مابي ادفع في سيارة
وابي مشورتكم ياخواني لاني محتاج سيارة
ويفضل تكون تويوتا لاني مجرب تويوتا وخدومة وسعرها فيها
اذا انحديت واحتجت فلوس وجيت تبيع
وانا استخدامي ماني راعي تطعيس ومطامر
طلعاتي مكاشيت واحب البر كثير
وش تنصحوني فية ، وترا نصيحتكم تهمني كثير
واشكر كل من يقوم بالرد علي