منتدى استراحات زايد - باترول 90 (الحراره)

السلام عليكم ورحمة الله وبركاته
بأدخل بالموضوع .
عندي باترول 90 حيرني في ارتفاع الحرارة
قبل مشروع التصليح كان عليه مراوح سوبارو ولكن تسليكها اي كلام وكان فيه تفتفه وصرفية بنزن هائله
طلعت عليه مقناص وانفجرة طبة الماء وارتفعت الحرارة بدون ما انتبه وأنشعر رأس المكينه .
وديته الورشه وصلحت فيه الآتي ..
رأس مكينه يقول صاحب المخرطه أول مسحة له
بلوف وجلد البلوف أصلي
طقم وجيه اصلي
طرنبة زيت أصلي
صحن كلتش والدسق أصلي
رديتر ألمنيوم صيني صفتين ( ماء اصلي ميتسوبيشي اخضر والباقي مقطر )
غطاء رديتر اصلي
قربة ماء تجاري
طقم طبات اصلي
طرنبة ماء ياباني غيرتها قبل لا يضرب الرأس
طقم سور وبكرات أصلي
ساعة أو حساس الزيت أصلي
مراوح سوبارو من البتار + مروحة اضافيه خلف الشبك للمكيف
و أغلب الأهواز الي شفتها تعبانه أو نص عمر غيرتها اصلي
كاربريتر جديد ياباني
ديلكو جديد اصلي
وأشياء لا تحضرني كل هذي الأشياء كلفتني حول 10 آلاف ريال
وبعد هذا المشوار الطويل طلعت الجيب من الورشه بعد ما وزن الديلكو والكاربريتر وضبط امورة
والحرارة ارتفعت والموتر فيه كتمة وهذا وصفها ..
الحراره/ أذا شغلت الموتر وحميته وأخليه بعض الأحيان 10 دقايق شغال وضعه طيب ولكن اذا حركت ومشيت داخل الحارة ابي امسك الخط السريع ترتفع الى النص على السرعات المنخفظه من 80 وتحت .
وذا مشيت على السريع وبسرعات عاليه من 100 كم وفوق تنخفظ الحرارة الى تحت الربع ووضعها تمام .
أذا وقفت عند الأشارة ترتفع الحراره جتني فكرة مرة ودعست على البانزين وأرتفع الريس الى 2.5 وضليت داعس يمكن دقيقة الا والحراره تنخفظ شوي شوي حتى قاربة الربع وأنا طبعا واقف ما تحركت .
شيكت المراوح شغاله وتمام .
( رجعت الورشه وقال يمكن الراس وعندة احتمال أنه سليم ولكن يحتاج تدبيل القاز قيت وما اقتنعت )

الكتمة الي بالموتر /
الكتمه أذا زريت عليه في نمرة يكتم
والبارح بغيت اسوي حادث بسببها رديته من الثالث ألى الثاني ابي الحق المدخل وكتم الموتر تقول مخنوق ومحله لا يمش ولا شي كأني رافع رجلي عن البنزن .
المطلوب يا اخوان
1/ الحرارة وش تتوقعون سببها يراودني شك انها من الطرنبة .
2/ الكتمه الي فيه
3/ صرفية البنزين لا زالت
آسف للأطاله ولكن من الغبن الي فيني على التعب الي تعبته فيه