ياهل الجيرات
 

ياهل الجيرات مافيهن سدادي
. اعتقوهن ياعساهن يذهبني.
لويفجن الدواغر والثنادي.
ويلحقن اللي صباح امس سرحني.
كل صبح وكل ليلن في جهادي.
وعذر راعيها ترا التقصير مني.
دوم ميزانه معه محل الهدادي.
ولو انزل فيه ربع جرام اكلني.
ماشتقيت ابهن وانا غاية امرادي.
امرعن وجهه يسن الرمح سني.
فاهق الجنحان وامواسه حدادي
. كن زاره زار هرشن مستسني.
افجحن هجرن سنادن في سنادي.
القصايد عن وصوفه يعجزني.
كن كفه كف عودن فالطرادي.
كل عمره بين سن وبين عني.
من قصر ساقه يفصل له قيادي.
وكن شدقه شدق دابن مستكني.
عارين ريشه مطاليعه وكادي.
ولاعطيتك علم فاخذ العلم مني.
لو تدرق فالحتايف والعرادي.
كن يفزعله على المدراق جني.
ارض ولاجو كل الوضع عادي.
مابعد تل السبوق وخاب ظني.
كانها فالقاع فرشها الحمادي.
وكانها فالجو ذوقها المطني.
هو هوا بالي وحبه في فوادي.
كل ماشفته يزول الهم عني.
وان لقيت اللي ملاعطها اجدادي.
ماغبطت اهل التجاير بالتمني.
زين شب النار في حيد المصادي.
وسط روضن في زماليقه تثني.
وسوقة الفنجال وعلوم الهدادي.
مع مطانيخن لهم بالمزح فني.
ماحداني للمزايد والعنادي.
غير مدح الجير في هرجن وصلني.
[ابووحش]