السلام عليكم ورحمه الله وبركاته
هذي السالفه قلت انزلها قبل دخول الشهر عساها بس تجوز لكم

فيه محطه بنزيم وفيها مطعم وبقاله اسمها سبتيه تبعد عن شقراء يجي 10كيلو من جهه الغرب يعني الا جيتا تبي تروح للدوادمي ولا لعسيله وساجر تمر المحطه هذي لانها في تقاطع طرق الي يروح لساجر وعسيله تلف من يمين والي يبي الدوادمي يبتل غرب والتقاطع هذا الي فيه محطه سبتيه صايره في بدايه نفود السر

للي يعرف سبتيه محطه البنزيم الي عند مفرق عسيله هذيك سنه من السنين عزمني واحد يقول تعال ياسحاب كل من لحم الحاشي اللبني مع الرز
وروح انا وياه ونجلس على مركاز ونطلب نفرين حاشي مع الرز وببسي
ويوم جاب الطلب ولا وش اشوف قطع الهبر الي النفر يشبع 4 اشخاص
وندبغ فيه الين صرت ادز اللحم من طعمه بصبعي امتلا بطني كله لحم حاشي لبني ماتشبع منه وصار مثل السحر الغدا والعشاء في سبتيه كل يوم عند ابو يمن حنش قائد صار معرفه لانه كريم ويملا الصحن لحم حاشي وهبر بعد يتهتم من زينه حلوه يتهتم:d المهم وتمر الشهور تتلا الشهور وزانت احوالنا ونقع الدم في خدودنا تصدقون رفيقي كانت خدوده كنها مخابي كوت ولا شفته تقول موات ويوم دبغنا في الحواشي اللبنيه وتزين خدودنا وتحمر وصارت ابتسامتنا ساحره تراي اكذب عاد
وطلع لنا بطون يعني كرشنا كله من فظل ربي ثم ابو يمن الكــــريم
بصراحه انا اقول لرفيقي بعد ماصرنا دببه اقوله يافلان يقولي هاه الله من زين الرد المهم اقوله مدري وش فيني احس فيني رغبات ودي اسويها بس مستحي قالي وش ذا الرغبات قلت ودي اروح لمكان بعيد وطوح الصوت بقوا شي مدري وشذا الشهوه كله من النعمه الي انحن فيها وعلا ذا الحال يجي سته شهورالغدا في سبتيه والعشا في سبتيه ونظرب من لحم الحاشي الي يحبه قلبك ويوم تشبعنا ونروح ذاك اليوم نبي نتغدا ويوم وصلنا ولا العلم مهوب علم ولا الشرطه والاماره مطوقين المطعم ونزل ونشد واحد من الخويا حقين الاماره ويرد علي المحقق كنن ابك مالك تدخل ورجع وراك وروح للعسكري وسلم عليه ويعلمني بالصاعقه يقول ان اليمنيين يطبخون لحم حمير بلدي اصلي ويعطونه زباينهم على انه لحم حاشي رح شف الحفره الي خلف المطعم كلها مليانه روس حمير وحوافر وروح اركض لرفيقي وركب معه وقلت له تكفا تشطر شوي ودي اجر لي صوت وش العلم قلت فيني نهقه وقلت له انت مابديتا تصون الا هلحين قال مدري ماركزت ههههههههههه قلت كل الحواشي الي ندبغ فيها ليل نهار من اشهر ودهر لحــــــم حميــر ونا اقول احس ان فيني رغبات استحي ابينها تصدقون اني صرت اعرف احرك اذاني ونا مالمستهن بيدي كل القدرات هذي ماجتني الا من اشهراحسبها مواهب نزلت علي من السماء اثره من اكل لحم الحمير وفيه شي بعد صرت ارغب اني اسويه برغبه قويه مرره مره
ولا اقدر امنع نفسي ودي انهق بعالي الصوت وخاف يقولون الناس استخف الرجال اثره من اكل لحم الحميرالبلديه الاصيله :d حسبي عليك يبو يمن ومن زود الغثا اذكرمع كل غدا ولا عشا يجيب لي ابو يمن باديه فيها شوي لحم ومرق علشان تكمل الرصه ولا تسمع الا ونا اشفط المرق شفط هذي عاد مرقه اللحم يعني حمير مركز الله لا يوفقك يبو يمن ويلعنها من معرفه يا حنش قائد ياملا الحنش الي يقظي عليكم