اثنين في واحد - لفاح نواجل
 

السلام عليكم ورحمة الله وبركاته ..

بعد غربة مدتها عام كامل في بريطانيا رجعت الكويت وانا مشتاق لتراب الديرة..
الغربة شي ما تتمناه حتى لألد اعدائك..

موضوع اليوم عن موقف طريف صار في احد رحلات اللفاح في جزيرة قاروه جنوب الكويت..

تنويه بسيط: اللفاح هو حذف الميرور من موقع ثبات وليس سحبه خلف الطراد، المصطلحات تختلف بين دول الخليج.

كنا انا وزميلي نلفح الرقوق (الحيد المرجاني) حول الجزيرة وكانوا النواجل يضربون تقريبا حذفة وترك.. تقريبا تم سحب اكثر من 100 ناجل بيننا الاثنين ولكن تم ارجاع الصغير منهم وياكثرهم..

http://img.tapatalk.com/d/14/06/15/ave4apyv.jpg


الناجل فيه شراسه مو طبيعية.. ناجل صغير تقريبا طول الميرور نفسه وتلقاه ضاربه هههههههههه

الموقف الطريف صار لما حسيت بضربة غريبه وما تشبه ضربة الناجل فقلت للربع الظاهر شعري.. واكتشف ان نواجل اثنين ضاربين الميرور ههههههههههههه
طبعا كلنا دخلنا في موجة ضحك لين عورتنا بطوننا .. شفاحة الله يكافينا الشر

http://img.tapatalk.com/d/14/06/15/6e5uty7a.jpg

الصيد اغلبه كان على ميارير رابالا اكس راب بمختلف الوانه.. الصيد على الاكس راب كان اغلبه نواجل بس طلعنا جش وشعري ونيسر غير الحواقيل اللي قصوا علينا 3 ميارير تقريبا..

تم ارجاع عدد كبير من الاسماك الصغيرة او غير المرغوب فيها والاحتفاظ بما يكفي الحاجة..

http://img.tapatalk.com/d/14/06/15/tyvebyza.jpg

تحياتي
مخلد المحنا