منتدى استراحات زايد - استفسار عن افضل كشاف

السلام عليكم ورحمة الله وبركاته ..

مساء الخير .. للجميع .. :)

صح اننا نختفي فجأه ونظهر فجأه تخبرون اشغال وتسذا ,.< محد جاب خبرك بس وش تبي :D

اليوم عندي سوال صغيرون يعني :D اللي هو شغلة الكشاف معي .. يعني كل شهر نطلع نسبه من الراتب لهالموضوع .. الي هو كشاف اي محطه امرها او محل رحلات لازم القط لي كشاف من عندهم ومافيه الكشاف الي ملى عيني .. بس الي صابني مدري هي هوايه كشافات ولا وش الوضع المهم هوايه متعبه للغايه وذات خسائر ماديه طائله :D وبعد هالبربره وكثر الكلام وتسذا .. حبيت اسعلكم وش افضل كشاف يخليني افتك من هالعاده السيئه التي تجلب لمحفظتي الطفره :D ..
فيه نوعين حاط عيني عليهم ولا ادري ..طبعا في مواقع البيع والشراء .. لان مانفع معي المتواجد بالمحطات :p

النوع الاول ..
* تنبيه يوجد موسيقى

http://youtu.be/XUt3zsHFUBg

وسعره 400 ريال

وهذا الثاني ...

وسعره بالموقع 325 ريال ..

وهذا مقطع يبين قوته مع كشاف فينكس TK35 ..

http://youtu.be/BqmUwBKYmRo

تكفون نبي رايكم الي مجرب من هالنوعين يفيدني ولا اللي يخبر كشاف احسن يعلمني .. وان حصل زنون HID اتوقع احسن ونبي مشورتكم .. ودعواتكم لنا بزوال هذه العاده التي طفرة بي :D

المطلوب من الكشاف بعد مدى مع قوة اضاءه ..

الله يجمعنا وياكم بالجنه .. ويرحم امواتنا وامواتكم واموات جميع المسلمين ..

تحياتي ...