هذي من آخر كتاباتي ..وحبيت أنزلها لكم في المنتدى

قصيدة في بنات قطر...


**بنت قطر**

من بين بنات الخليج....من الي أكثرهم حنان
..........أكيد هذي من قطر... المهره... الترف... الحنون

إن قالوا السبع العجاب.. أجاوب: السبعه.. ثمان
.........وإن قالوا إشهد في الكلام.. أشهد وغيري يشهدون

عنق الغزال.. ومشية الحمام.. وعيون الحصان
.........سبحان من صور جمال الزين.. في كاف(ن) ونون

فيها دلع يذبح.. وفيها من أصول العنفوان
........متمكنـه.... وإذا مشـت تتبع خطاويها العيـون

في مشيها.. لكل من يمشي بجانبها إمتحان
.........فيها تمايل غير.. عـن تمايل أطراف الغصـون

وإن وقفت.. شفت الممر ما عاد باقي به مكان
..........لن أكثر الي عتّبوا من حولها... لها يجـون

الجد حان.. المزح راح.. راح المزح و الجد حان
.........وإن قلتوا إني بالشعر مجنون.. ما فيني جنون

شاعر.. ولاكن لجلها لو أطلق إصراح العنان
.........أشوف أبيات القصايد في حلاها.. يسكتـون

فيها الشفايف جمرتين... وثالث الجمر اللسان
.........ولا وراها غيـر صفات الثلـوج من السنـون

ذا زينها الي ما هنابه.. لا فلان.. ولا فلان
..........ليتني بس أهتنيبه... ولا تخالفني ظنـون

شف خفوقي ويش صار.. وشف خفوقي ويش كان
.........شف خفوقي... لعنبوا أبو جداها من تكـون

بس دندن يا خفوقي.. ليل دانه.. ليل دان
.........من كثر ما أسمع الي عندها...... يدندنون

مجبور الفراق