منتدى استراحات زايد - سالفة:ثوبي والجلال والدوشق..قوافي

http://files2.fatakat.com/2010/11/12905284251451.gif

مشرفينا أخواني أخواتي

حياكم واسعد الله صباحكم / مسائكم بكل خير

زمان كانت الوالده الله يحفظها وكل حريم اول يشرون طاقة القماش ..

ويلبسونها كل اللي بالبيت يعني الام تخيط له مقطع وتخيط لبناته وان زاد يسوى جلال او تلبيسة دوشق تجديد يعني والدوشق هو اللحاف وبعضهم يسميه مطرحه يعني ما فيه شي يضيع والباقي بيز مثل هذا:

http://scontent-a.cdninstagram.com/h...67864417_n.jpg

،،،

تمسك به الدله ولين قدم يحال تقاعد للمطبخ :D..

والغريب انه شي عادي الام وبناته صافين وزامرين (مطقمين تقل فناجيل عراقيه كله الوان وزخارف) والله ياحبيلنا طيبتنا لا توصف وبساطه راحت مع المستورد والجاهز والخياط..

حتى من العوايد لين جا عرس اهل العروس يشرون خمس او ست طاقات قماش زري مزخرف ويقصقصونه كساوي بعدد الحريم والاقارب همن لين جا العرس نصير كنا مستنسخين بالالوان;) لكن ما كنا نراها غير قمه بالوناسه والمشاركه والقماشه اللي تجي هديه غالباً تصير غاليه وهي من عرس فلانه وطبعا التقدير حسب المعزه:p..

،،،،،،،،،،،

نبداء بسالفتنا عن الطقم المزخرف ومظاعفات طاقت القماش وين وصلت:

شرت امي طاقة قماش بعد مشاورتي وش اللون اللي ابيه وكانت الطاقه اللي بنشريها شراكه مع وحده من عماتي وبناته وانا وامي وجدتي رحمت الله على الحي والميت منهم..

اخترت لون أخضر قريب من لون علف ارانب عمتي وشالت امي طاقة القماش على راسه من سوق أضن اسمه الحميديه وهو مقابل سوق اشيقر بالديره واضن ان كنت مب واهمه السوق احترق وماعاد بنوه ..

وصلنا بيتنا وجت عمتي عقب المغرب وقسمنا القماش أستعداد لطقم الفناجيل بعزيمه نبي نحضره كلنا..

خاطت امي ثوبه وثوبي وعمتي وبناته وجدتي ورحنا ولكن:eek::eek::eek::

صدمت العمر :mad::mad::mad:

وصلنا بيت اللي عازميننا ويوم قعدنا وكان وقت صلاة المغرب يوم فلت راعية البيت المصلى ولاالجلال نفس القماشه واللون،، ودوشق الجده قاصين عليه قماش جديد نفس القماشه ،، والباقي كيس للوساده وقعدنا وصار الشكل فل الفل :D..

يوم اصالهم وانا الخشم بالسما بغاير بنتهم الجوهره مقطعي جديد لكن خساره ما حصلي وماتمنيت هاك اليوم إلا يطفي الكهرب عشان ما يشوفن احد وراحت سالفه وخوذو عاد من سعة الصدر:

:D تخبرون عزيمة فلانه

أي عزيمه؟؟

اللي كانت به فلانه وفلانه لابسين مثل الدوشق والجلال:mad::mad::mad: ثلاث وجيه منقهره وماتكفي..

تحياتي وتقديري واحترامي

..قوافي..