|
(¯`·._.· قصيدتـين للشاعـر طارق المحيــاس ·._.·´¯) السـلامـ ع ـليكمـ والرحمهـ شح ــأإأإألكمـ ؟؟؟ ع ــساكمـ بخيـر ;) أخليــكمـ مع القصايــد .. .. .. .. .. كفاية صار لك شهرين غايب عني يالغالي كفاية يا أعز الناس ترى والله ما أقدر دخيلك لا تخيب فيك هقواتي وآمالي واذا انها عالصبر والله وغلاتك عندي راح أصبر أبتحمل عنا فرقاك وحالي يرثي لحالي معني والله لين اليوم مدري ليش بس تهجر أبعرف شالسبب أرجوك وشاللي بس يجرالي أنا شسويت ياربي عشان اتثور وتتفجر أنا والله ما أستاهل أبد كل اللي يجرالي أقل مافيها بس قلي سبب خلاك تتغير أبعرف بس شالموضوع علامك صرت ماتبالي بذمت كل أهلك فيوم شفتني بشي أنا مقصر عطيتك قلبي وروحي وهبتك حالي ومالي حملت احساس هالدنيا وعطيته لك وأنا افخر عشقتك عشق لا قبله ولا بعده انعشق تالي هويتك موت واتخيل الين الموت واتصور واذا جاني مسج منك مخزن رقمك الغالي ولا أمسح رسالاتك أتم أقراها وأفكر وأحلل كل كلمة بالمسج الله ياغربالي وأقول بخاطري معقولة حاسس فيني ويشعر وأرد أقول لا يمكن تذكرني واهو سالي لأني توني مطرش مسج ..طرش مسج يشكر وأرد أقول لا أدري يبيني وحاسس بحالي وأرد أقول لا ماظن على باله أنا أخطر الين اني أنا اتأكدت قلبه بالفعل خالي ولا غيري أنا فقلبه يحبني موت ويقدر لأني مرة من المرات طرت فكرة على بالي نويت أزعل بدون اسباب وأشوفه لو بيتأثر أبعرف قدري بقلبه بيهمه وضعي الحالي أو انه راح يطنشني ولا يسأل ويستفسر وفعلا دق ماجاوبت حرقلي والله جوالي 3 آلاف مرة دق وأنا مطنش ولا معبر كتب لي بالمسج اطلع آنا عند بابك الحالي قسم بالله ما تطلع لأخربها أنا واحدر ومشكلتي أحرفه زين يسويها ولا يبالي نزلت وخاطره مكسور يقول شفيك متغير وقلت له بس أبتأكد اذا قدر معك عالي ضحك لي وقال لي اتأكدت ودمعه بلل المحجر وطارت فيني الدنيا لمكاني صاحبي جالي تعذر لي وأنا الغلطان وأنا اللي لازم أتعذر وبعدها عشت أحلى أيام في قربه هنيالي وصلنا لمرحلة مانفترق عن بعضنا وأكثر بعدها فجأة خلاني ولايسأل عن أحوالي وأنا في خاطري أدري مو حالف يوم يتغير أدقله مايجاوبني بديت أشك في حالي أخاف انه حصل له شي أخافه بس متكدر لعب في قلبي الوسواس خياله ماتهيالي حوالي 1000 مسج طرشت حبيبي ياعسى ماشر ولا جاوب وأنا قاعد على أعصابي وغربالي حبيبي صارله اسبوع وفيني حتى مافكر الين اني عرفت شلون أخلي خلي الغالي يكلمني وجت فكرة بعد مامت وأنا أفكر وفعلا اتصل فيني وبدت أحزاني وأهوالي وكانت صدمتي كبيرة علي الغالي يتكدر وكانت صدمتي كبيرة علي الغالي يتغير سألته قلت له وشفيك مامن شر يالغالي وشاللي صار بالدنيا علامك ليش متبعثر أو انك يعني ماتدري بدونك صرت أنا لحالي ولا لي خلق أي انسان كثر مافيك أنا أفكر وجاوبني وقال أرجوك أبي هالدنيا تصفالي أنا مليت من وضعي وأشوف الكل متغير أنا ضاقت بي الدنيا وأبي أبقى أنا لحالي خلاص اتركني لا تسأل وأنا برجع عقب أشهر وقلت له مو علي تكذب أعرفك تضعف قبالي تكلم قول شالموضوع بدا قلبي يدق أكثر سكت لحظة وقال أرجوك ابعد عني يالغالي وخلني أذكرك بالخير وانت مثلي اتذكر ولا اتطرش مسج واحد ولا اتدق لي أبد تالي واذا لي خاطرٍ عندك لا تتكلم أبد سكر وقلت له والله ماسكر الين اتقول وتصفالي وقال لي والله ماتكلم ولو تبكي دمع أحمر ولكن شوف ربعك وانت تعرف وش جالي خلاص افهمها عالطاير لاتحرجني بعد أكثر وسكر والدمع فيني على الخدين همالي قسم بالله ماأدري علامه قلبه اتحجر فؤادي انهار وأنا حملي يهد جبال واجبالي في لحظة صارت الدنيا في عيني هالكبر وأصغر حسافة ماتوقعته يصدق فيني عذالي حسافة ماهقيته يوم يصد عني ويتغير بعدها صار لي ماصار وربي يعلم بحالي فؤادي باقي بس شوي وأحسه من الجسم يظهر بديت أعرق مدري ليش و خابت كل آمالي أنا توقعت كل الناس ولا توقعت اهو ينكر وقلت بخاطري خله مصيره يرجع الغالي أكيد انه سمع أي شي وجوه صار متعكر ولكن طول غيابه وزادت فيني اعلالي مرض قلبي تعب فكري وأحسه جسمي متخدر وقلت خلني أطرش له مسج وأشكيله أحوالي وطرشت المسج وشوي دق لي ودون مافكر هلا والله يا أغلى الناس هلا والله بالغالي ألو طارق ماقلت لك لا تذكرني أو أذكر أبي بس أذكرك بالخير ياخي خلني في حالي وقلت وخاطري مكسور أنا آسف وماكرر قسم بالله لين اليوم وحالي يرثي لحالي قسم بالله لين اليوم ولا أدري ليش اهو تغير قسم بالله ماغضت عيوني ولا هدا بالي قسم بالله مامر يوم الا وفيه أنا أفكر قسم بالله قلت بنساه بس طيفه يتهيالي قسم بالله لو حاولت أنا أنساه أتذكر الين اليوم أنا عندي أمل يرجع ويصفالي أقول الشوق بيرده على فرقاي مايقدر الين اليوم وضحكاته وبسماته على بالي الين اليوم ما أرقد كثر مافيك أنا أفكر أبعرف شالسبب أرجوك وشاللي بس يجرالي أنا شسويت ياربي عشان تثور وتتفجر أنا والله ما استاهل أبد كل اللي يجرالي أقل مافيها بس قلي سبب خلاك تتغير أبعرف بس شالموضوع علامك صرت ماتبالي بذمت كل أهلك بيوم شفتني بشي أنا مقصر أنا راح أنتظر ردك ولو حتى بمسج خالي واذا ماجاني منك الرد وغلاتك عندي راح اصبر سنة سنتين اللي هم أشوف ثاني قبالي ثلاث سنين أو أربع أبصبر يعني راح أصبر ولكن حكم احساسك وجاوب يا أغلى كل غالي بذمة كل أهلك بيوم تنساني ولا تذكر يهون انك تخليني ولا تسأل ولا تبالي يهون انك تنام الليل وتتركني أنا أسهر كفاية صار لك شهرين غايب عني يالغالي كفاية يا أعز الناس ترى والله ما أقدر دخيلك لا تخيب فيك هقواتي وآمالي واذا انها عالصبر والله وغلاتك عندي راح أصبر .. .. .. .. .. صحيح الجرأة تنقصني وصحيح ضعيف شخصيه ولـــكن لــو تشوف الشـــــــوق فـي عيني بتعذرني انــا جيــتك وكـل هــموم خلــق الله تــــــــــــرا فيّه وادري فيك لـــو تبـــغي (انت) تفهمني بــتفهمنــي تـعــبـــت كــثيــــر المـح لك واقــــول بيفهم شويّه وادري فـــــيك فاهـــمـــني و بس ودك تـــعـــذبني وانا راضـي بتـــعــــذيبك وبتحــــمــل بــــلاويّــــه ولـــكــــن لا تـــزودها مـــعـــايـــه ولا تــــــبهدلني احسك تلعب بقلـــبي لعب شرطـــــه وحـــــراميّــــه انــــا استسلمـــت ما بلعـــب (كـفاية) لا تـــــلاعبني اقـــــولك هالـــسمـــــا زرقا ؟ .. تـقولي لا سماويّــه اقولك انزين سماويه تقولي لا تغلطني تقولي الورده ذي اي لون اقولم هذي ورديّه ترد تقول لا حمرا عسى الله بس يصبرني اذا ناوي تعقدني وتلعب يا الغلا فيّه تراني معقد وخالص ومو ناقص تعقدني دخيلك مدلي يدك وانا بحضنها بايديّه دخيلك قرب شفاتك دخيل الله عانقني وخل خذك على خدي يا احلى خدود ورديّه وعينك خلها بعيوني تعال اسكنها واسكني نعم سبحان من سواك اخذت من كل شي اشويّه وهالشي اللي جنني واكثر فيك حببني عيونك غير باقي الناس احسها عيون قطريّه ترا في شي بعيونك احسه دوم يجذبني وخشمك سيف ما يرحم من سيوف السعوديّه وانا يمك احاسب دوم اخافه بس يطعني وحبة خال في وجهك تقول دانه كويتيّة ومن يكسبله الدانه يعيش العمر متهني وم البحرين حتى خذت حواجبك الهلاليّه وشعرك موج اماراتي سبع مرات يغرقني وطيبة قلبك انت غير ..نعم طيبة عمانيّة يا اطيب قلب في الدنيا متى باحساس تاخذني واذا سولفتلي كن السوالف هي عراقيّه ولك يابا شردت مني تريد انت تعذبني؟ نعم ما كنك الا يالغلا وصفه خليجيّة جمعت بلدان في وصفك في شخص واحد يا فاتني تصدق يا اعز الناس انا ايدي وهي ايديّه اذا لمست طرف شعرك ابد ما ودها تتركني اذا موج الشعر جاها بتسبح فيه وبفيّه الين احس بايديني وكن الماي بللني واذا نزلت ايدي اكثر على خدك احس فيّه نسيت الدنيا والعالم واحس انت تحكمني واذا جيت اوصف احساسي لساني يثقل شويّه واتم ساكت واطالع فيك واقول الحين بيفهمني ولكن انت مادري ش فيك نوى قلبك على نيّه ولا ادري وش نوى قلبك دخليلك قول وصارحني ابا اعرف بس شي واحد يا اقرب هالبشر ليّه واذا لي خاطر عندك ابيك انتا تجاوبني لا تستهبل ولا تعاند ترا والله ما فيّه ولا تقول انت ليش اليوم ودك بس تحرجني ابا اعرف ليش امس لما طلبتك خافقك عيّا وانا والله كل قصدي احس بس انك تحبني افا والله كيف تصد عني بنظرة عاديّه؟ افا والله ما توقعت بهالقسوة تعاملني وشفتني كنت متردد ولكن قلت يا حيّه ما دام انه يلمحلي اكيد انه بيوافقني لانه قام وسمعني واهداني اغانيّه وقلبي من كثر ما دق توقعت انه يخنقني تبي الجرأه انا حاضر ابا اتجرأ ولا ليّه واقول اللي تبي تسمع ولكن انت سمعني انا نفسي تقول اني في عمرك شمسك وفيّه ابي تمدحني لو مره ابوس ايدينك امدحني ابي اعرف كيف احساسك تجاهي يا اغلى من ليّه تحبني ولا بس لاني احبك قمت تجاملني تكلم لا تحيرني ترا الكلمات عفويّه اقص ايدي اذا ما كان ودك بس تحيرني دخيلك غمض عيونك واسمعني وحس فيّه انا والله احبك موت ولا غيرك بيعجبني واذا اني كنت انا يمك ترا الفرحه خياليّه اطير بفرحتي واسرح لكنك تقومني انا من كثر ما احبك احس روحي انانيّه اذا غيري لمس ايدك احس انه يموتني وانا والله مب ناقص ترا يكفيني ما فيّه ابا اتقرب انا صوبك ولكن انت ساعدني هذا كل ما عندي كتبته وبحسن نيّه قسم بالله وانا اكتب احسك انت تكتبني ترا الايام يا بيضا و سوده مش رماديّه وخلك يا الغلا واضح دخيلك لا تلوني صحيح الجرأه تنقصني وصحيح ضعيف شخصيّه ولكن بس ابي منك شويه بس تدفعني بعدها لا تسوي شي واترك كل شي ليّه ولكن بس لو مره بحبك (انت) حسسني .. .. .. .. .. وبس ولا تبخـلووون علـي بردودكـمـ الحـلوهـ اختكمـ ع ـيناوية دبي |
تسلمين على النقل الغاوي تقبلي مروري @@@ أخوج @@@ |
اقتباس:
تســلمـ اخــوي عالــرد ولاهنــــت اختكمـ ع ـيناوية دبي |
روعــه هـ القصيدتين .. تسلميـن ختيــه .. ربيـه يعطيـج العــآآفيـه .. .. :) .. |
http://www.1ss1.com/2007/12/1ss1_ZIRb62vzAi.gif يسعدلي مساكو بتناهيـٍـٍد الغرام الله وايـ[ـــٍـٍد حلوو ..! اشهد انه ابدااع .. لا خلا ولا عدم والسموحه على القصور قمـٍر http://www.1ss1.com/2007/12/1ss1_gPfBXDhPOG.gif http://www.1ss1.com/2007/12/1ss1_DCnheTLxu8.gif |
| الساعة الآن 07:32 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir