منتدى استراحات زايد - سمك الماشي في المنطقة الشرقية

السلام عليكم أخواني المكشاتية

أسعد الله صباحكم بكل خير

حبيت ادردش معاكم عن سمك الماشي في المنطقة الشرقية بجميع أنواعه

متى يجي ومتى يروح والمواسم اللي يكثر فيها نوع معين عن الآخر

اللي دفعني لطرح هالموضوع انتشار الجدود والعقام بشكل كبير حالياً

وقبلها انتشار رهيب للعندق حتى طفحت محلات الأسماك بأنواع العندق

وما يخفى عليكم تأخر ظهور السبيطي هالسنة ، حتى أهل راس تنورة يشتكون من تأخره

هالشي بصراحة يثير فضولنا لمعرفة متى تحضر هالأنواع ومتى تغادر عشان نترقبها عالأقل

وأخواننا في الغربية عندهم دراية كبيرة بأوقات الماشي وينتظرونه في نفس الوقت من كل سنة

وبحكم خبرتي المتواضعة اللي لاحظته ..

ان السمك بجميع أنواعه تقريباً يكثر في الصيف ويقل في الشتاء

لكن الأحجام تكون أكبر عادة في الشتاء

وانا اتكلم هنا عن صيد السيف وما عندي علم بصيد الطراد

مشاركاتكم إثراء الموضوع والهدف الفائدة

تحياتي للجميع