منتدى استراحات زايد - الماء قراحه ماستوي مع هماجه

قصيده نخصها بي منتدنا الغالي لــ مصيبيح متعب بن قويد
أتمنى أن تنــــال إعجــابكم

الماء قراحه ماستـوى مـع هماجـه .. مايروي الضميـان غيـر القراحـي
مثل الحلو مايستوي مع سماجـه .. من جرّب الحالي يعيـف الملاحـي
لوتصـفـي الأيــام بـكـره عـجـاجـه .. اليوم مرتـاح(ن) وبكـره صياحـي
مافيـه مخـلـوق(ن) تـريّـح مـزاجـه .. لابـد مـن عقـب الوقـوف المطاحـي
دنـيـاً تقلـبـنـا عـلــى كـــل مـاجــه .. مرّ(ن) تماشينا ومرّ(ن) شطاحي
دنـيــاً علـيـنـا بـاديــه باالـعـواجـه .. ياكـم مخلـوق(ن) تريّـح وصاحـي
حتـى الغنـي منهـا تعكّـر مـزاجـه .. لوكـان مـعـه الـمـال ويّاالسـلاحـي
مـاكـل متـربّـح يـحـصّـل خـراجــه .. احيان راس المال يصبـح رباحـي
كم من زكي(ن) دزّتـه فـي عراجـه .. زادت على قلب المريـح الجراحـي
هـذاك منهـا طـاح يبـغـى عـلاجـه .. مثله بعد هـذا علـى اول مطاحـي
مايبـري الموجـوع كـثـرت خـلاجـه .. لوكان جرحه بين الأضلاع فاحـي
لوكـل متمنّـي حـصـل لــه مـزاجـه .. ماشفت مخلوق(ن) يجرالنياحي