|
خلف الكواليس(فديو - صوت)..خيال الصبحا بسم الله الرحمن الرحيم السلام عليكم ورحمة الله وبركاته كتبت الاسبوع الماضي موضوع بعنوان . . الحلقة الأولى:فديو(الطير من كان وحش إلى أن دخل المقيض)..خيال الصبحا . . ولقى الموضوع تفاعل و تشجيع وكان هذا سبب في كتابة هذا الموضوع وهو خلف الكواليس لموضوع الاسبوع الماضي(أو نقدر نسمي الموضوع الحلقة الأخيرة2هههه)طبعًا المقاطع الي راح انزلها اليوم يمكن ما يكون لها تسلسل معين ، ولكنها مجموعه مقاطع مارأيت أني انزلها لكم الاسبوع الماضي لسبب او لآخر ولكن اليوم ابي انزلها لكم وتقبلوها على تقصير مني (المقاطع مرفوعه على المساحة الخاصة بالبريد الالكتروني SkyDriveيعني الروابط تدوم وتدوم وتدوم إلى ماشاء الله) طريقة الحفظ http://www.mekshat.com/pix/upload03/...mk29508_rt.jpg "*%&(الـبـدايـة)&%*" . . (فــديــو) . . حر ناقل حر مقطع للأمير سلطان بن عبدالعزيز آل سعود حفظه الله وهو ناقل طير على يده أضغط هنا . . حر أبيض الطير ابو مليون وميتين الف(الي شراه امير الكويت) أضغط هنيا . . طيااااااااااااار فااااااااااااااااااارط ماشاء الله تبارك الله ، أشهد بالله انه فااااااااااااااااارط(المقطع عن طريق الأخ وسَام!أبو صالح) أضغط هان . . أنتبهوا فرخ حر مزيون حيل(بعد تحليل المقطع مع بعض الاخوان أقدر أقول ان الطير تفريخ وكان محاولة من اصحاب الطير لبيعه على أساس انه وحش) أضغط هون . . سلمان ربشة شوف الحباري(المقطع لاحد الاخوان لايحضرني اسمه) أضغط هنا . . تهريب طيور محاولة تهريب طيور عن طريق البحر(وش مصير الطيور بعد القبض عليهم!!) أضغط هنا . . أنتاج KSA فروخ من أنتاج الصقار بدر العرادي قبل سنتين تقريبًا عسى الله يوفقه ويبارك له بطيوره أضغط هنا . . شيهانه مذبوحه شيهانه مذبوحه بالكويت ، التفاصيل بالداخل(المقطع لاحد الاخوان لايحضرني اسمه) أضغط هنا . . فاصل & نواصل فاصل كوميدي(راعي الصليبه صقار) أضغط هنا . . (صـــوت) . . قصائد اخترتها لكم ولو ان بعضها سبق وان انزلتها لكم . . قمت الوفاء للطير من أفضل القصايد الي سمعتها عن الوفاء للطير أن ماكانت هي الأفضل(للشاعر عبدالله بن نايف بن عون) اليوم كان الي يحاكيك ماين .........................هذي سبوقك وانتهض بالجناحين وهاجر مهاجر مبحرات السفاين .........................للصين والا اهبط على ضلع قزوين لو كان عندي مافراقك بهاين .........................حنا عزاز ولانهين العزيزين أضغط هنا . . الحباري للشاعر ياسر التويجري الا يالله يارازق عبادك .................تيسر لي مخابيط الحباري أضغط هنا . . طرح الشبك للشاعر عبدالله بن نايف بن عون طرح الشبك ماقلبوه الطواويش .........................ولا قرنسوه أهل العشش في عششها وحش وجاي(ن)من بعيد المناطيش .........................عوق الخريش الي طياره خرشها لياقام ياخذ من طرف ريشها ريش .........................واليا قضى لعبه عليها لكشها أضغط هنا . . فرخ شاهين قصيدة أكثر من رائعه من أفضل القصايد الي سمعتها بحياتي (ينصح الدكتور بسماعها هههههه) للشاعر مبارك بن عينان كنه يقول ان طيروها على وين .........................يردها والروض مايقطعونه والخرب لاقفا بالسما عقب طيرين .........................ويشوفه الشواف ويضيعونه وقاموا هل الجيات واهل النياسين .........................باسمه ووصفه كلهم يزهمونه غلوه والعداد من فوق تسعني .........................ولاعاد عقبه طير بيلقفونه أضغط هنا . . عباث للشاعر عبدالله بن نايف بن عون ياهل الطيور الي تصيد الثلاثي .........................تحطيمكم لاكبر عدد مثل الاضغاث لو تجمعون ذكورهن والاناثي .........................أكبر عدد ماحطمه غير عباث عباث في زرق الغلب يوم عاثي .........................كنه عديم له عالهوش حثاث أضغط هنا . . المقناص للشاعر خالد بن مدعث الدوسري من لاعرف لذة المقناص ماعاشي .........................ولعه بليا طماع مير عايشها يسلى بها الخاطر اليا ضاق وانداش .........................وترتاح فالنوم عيني يوم اغلمشها أضغط هنا . . ياطير ماحدك نصيبك على خير للشاعر عبدالله بن نايف بن عون كتبها بعد ماشاف طير تركه راعيه بالسياره والطير يكفخ من الحر ولاحوله والي ، جلس ابن عون عند سيارة راعي الطير يحتريه يجي ولكن راعي الطير تاخر ، المهم ان ابن عون مشى وترك الطير بالسيارة وبعدها كتب القصيدة التالية ياطير ماحدك نصيبك على خير .........................وراك مسجون(ن)بوسط الغماره ياناقلين الطير من غير تبصير .........................حصيلكم منه التعب والخسارة أوفوا حقوق الطير والا اترك الطير .........................لا تظلمونه ياجداد الصقاره أضغط هنا . . ختامية هذي كنت استمع لها الاسبوع الماضي(عندما كنت اجهز للموضوع السابق)بصوت عبدالواحد المغربي أضغط هنا . . "*%&(The End)&%*" . . أسف للإطالة ، والمعذرة أن كان فيه أشياء مكرره ، كذلك اعتذر ان كان هناك مقطع او قصيده لاحد الاخوان ولم اذكر اسمه لاني انسب المقاطع لاصحابها بناءً على ذاكرتي والانسان مجبول على النسيان أخوكم خيال الصبحا |
| الساعة الآن 01:30 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir