#poem_537c7d48bfefe td {font-family: Arial, Helvetica, sans-serif;font-size: x-large;font-weight: bold;} البارحة والليل يرخي قيوده جت لي بيوتٍ والمعاني رفيعة شفت (الجمل دايم)سنوده سنوده يرقى فداه اللاش حسب الشريعة ياشوق وضحى في المعاني شرودة ماتبتعد واليا بغاها تطيعه وسلام ياقسمٍ وردنا عدوده كل عد له فنه يجي بالطليعة وكم رامعٍ يفتل شوارب خدوده كم رميةٍ تنحر هدفها سريعة اللغز جاكم والمعاني وقوده يصعد بها فوق المجرة بديعة انشدك عن سيلٍ تعدى حدوده ياحكمة الله يالحصون المنيعة سبب كوارث ماتقاوم سدوده انهار سده مع بروز الطبيعة دمّر بيوت ولا سمعنا رعوده وحذّف اوادم والمناظر شنيعة داهم حلال الناس لحظة وروده ياقوة الله يامرارة ضريعه