منتدى استراحات زايد - زمان الصبا يا زمان الصبا عودك رعاه الله

السلام عليكم ورحمة الله وبركاته

هذا الله يسلمكم وكيف حالكم المعذره ماعرف اسولف
مرة من المرات ايام المراهقه والشباب اعشق الكشتات
والان اعشق الوتس اب والتيليقرام
ماعلينا
كان لنا قريب من بعيد غني بالرياض
وفي زياره للقصيم كشتنا مع عياله
وفرحانين اننا كاشتين معهم تقل يبون يسلفوننا
كشتتنا كانت للصيد
وندخل هاكالمزرعه الي كله اثل (خو اثل)
ونفل عدتنا جنب البرتسه
ونضبط القهوه ونجلس نسولف وكان ولد التاجر كل سواليفه عن شجاعته
وانه مافيه قده بالرياض هذي الاحساس الي وصلنا وحنا مصدقين
فعلا يحسسك لو عنتر مر علينا لفعه
المهم بعد القهوه والسوالف قصدي الارانب كلن اخذ ام صتمته ورحنا نصيد دخل
الشجاع اخذ بندقه وراح لخو اثل بعتبار انه شجاع وقوي لازم يصيد قميري وصفار
عيب انه يصيد مثلنا دخل
فجأه والا الرجال جاي طاير يمشي مليون
ويلقط شنطة العده وهو يتنافض شيلو معي بسرعه
وش السالفه؟؟؟!!!
وهو يلقط اي شي قدامه من غير ترتيب
وجدع بالسياره
ويلقط القدر من فوق الدافور ومن الخبه يطيح قدرنا بالبرتسه وهو زلق على جال البرتسه غدا لقسه
قالنا وش فيك انت
علمنا السالفه
قال لقيت ناس يصيدون يقولون ان راعي المزرعه عصبي وقايل الي يدخل مزرعتي ماهو قايل له اطلع لكنه يبي يرميه رمي من بعيد
بسرعه لا يرمينا يقولون معه شوزل

بعضنا خاف والبعض الثاني يضحك ويقولون هي فوضى يرمينا

المهم يوم شلنا العده طلعنا برا المزرعه
وتفرقنا نكمل الصيد
المهم لقيت واحد يصيد سألته صحيح راعي المزرعه يرمي الي يصيد بمزرعته
قال هههههههههه ضحك
انتم الي معكم عنتر
قلت ليش
قال ياخوي لقينا واحد لابسن نظارات شمسيه ويناظرنا بطرف خشمه تقل قعوسه عنده
مر من عندنا وماسلم
سولفت معه لقيت الرجال تقل مهايطي
قلت له ان راعي المزرعه يرمي الي يصيدون
واشوفه من عندي يمشي واسمع صوت ركبه يتصافقن
واشوفكم يوم طلعتو ويوم يزلق بالبرتسه
وحنا ميتين ضحك
عموما قل له يترك عنه الهياط وترا راعي المزرعه مافتح باب مزرعته الا علشان الكشاته
انا الحقيقه يوم سمعت هالمعلومه اقوله بكل صراحه ماعلمت احد ولان السياره سيارتي والعده عدتي قررت اني اصير عنتر
ومير ادق السياره سلف قلت ابروح اصيد بالمزرعه واذا راعي المزرعه فيه خير يفتح اثمه
الي يبي يخاوين يركب والا ماهو راكب يجلس ينتف الي صدنا
واغصب واحد منهم صديقي الروح بالروح يخاوين واعلمه بالسالفه ونموت ضحك ونصيد بالمزرعه ونسبح بالبرتسه
ونجي معنا صيد طيب وطول الكشته وهم يتعاملون معنا بعتبار اني عنتر وخويي شيبوب
ويسألون ماشفتو راعي المزرعه؟؟
قلت شفناوه وقلت له ابعد لللسبعه واذا شفتك قدامي ابرميك
ومير يرمي شوزله ويهج
لحظه