قصتي مع حرارة السيارة أرجو المشورة
 

السلام عليكم ...
أسعد الله اوقاتكم
ارجو منكم المساعدة في حل مشكلتي مع حرارة السيارة
سيارتي مازدا 6 2003
كانت بداية المشكلة ان السيارة ترتفع حرارتها وديتها وغيرت الرديتر بعدها زبطت المشكلة فترة وصرت لمن امسك خط وامشي 120 وفوق ترتفع الحرارة ثلاث ارباع
غيرت غطا الرديتر و البلف ونظفت الرديتر لانه تعبا وصخ
صارت الحرارة طبيعية ولو مشيت 160 ما ترتفع بس لو وقفت مرة وحدة ترتفع وكانت الموية كل 20 يوم تنقص شوي
من يومين بالحر مشيت عليها ساعتين بس دعس متواصل والا الحرارة ترتفع
وديتها وعملت تسييخ للرديتر وشفت داخل الريتر حصا صغير من وين جاه ما اعرف
وغسلت الماكينة وقالي بعد شهر ارجع نسوي غسيل ثاني ونركب موية اصلية
الحين فكيت البلف وغسلت السلندر كامل وعبيت موية خضرا اصلية
بس قلي حق الرديترات ما اتوقع تروح المشكلة
جربتها على خط الدمام الاحساء مشيت 160 الحرارة ثابتة نص
بس لمن رجعنا شيكت والاقي اللي الي يوصل بين الرديتر والقربة طاير ، ركبته مرة ثانية ومشيت شوي على 120 ووقفت والا الماي يغلي ويرش رش من غطاوة القربة

الحين لو امشي عليها مدة طويلة شوي لمن اوقفها الماي يغلي داخل القربة
ما عاد اعرف وين المشكلة
الطرمبة شغالة ، والمراوح شغالة
الرديتر مشيش والغطا جديد
هل معقول راس الماكينة

السيارة على المشي في المدينة والوقة مع المكيف والحر ما تطلع عن النص

الرجاء من الشباب اللي عندها خبرة تفيدني وجزاكم الله ألف خير