نغمت الدان
 

ياهاجسي غني على نغمت الدان =زادت وسط صدري همومن ثقيله

ارفع بها صوتك وجر اعذب الحان=صوتك يداوي كل نفسن عليله

ماعاد في قلبي سوى قطعة انسان=طفلن يتيمن من يشافي غليله

يخاف من شوف البشر بعض الاحيان=بيدين غدر يخاف كلن يشيله

اتمر به ذكرا على ذيك الازمان=يوم البكاء والهم قد هد حيله

يضحك ويبكي بين فرحه واحزان=ضيع دروبه يوم فارق خليله

ماعاد له في حب خوه وخلان=ماعاد وسط العين عذرا كحيله

روح وراحت فرحتي في خبر كان=راحت معه ايام كانت جميله

روح وخلا العقل و الفكر حيران=حتى الثواني في غيابه طويله

اللي ربح في البعد و الصد خسران=خسران ما زود على الكيل كيله