بعد بحث طويل انحلت مشكلة الطقطقه في الاكسبديشن
 

اخواني السلام عليكم حبيت افيدكم بتجربتي مع الطقطقه في مكينه الاكسبدشن كان عندي صوت عذبني من سنه ماخليت ورشه وكل واحد يعطي كلام المهم اخر ماتوصلت اليه رحت الوكاله شافو السياره قالو مشكله داخل القير المهم مااقتنعت جاني واحد هندي وارسلني علي مكانيكي بصناعيه الخليج بالثقبه والله الي يشوف الورشه مايدخل سياره مديل ستين المهم توكلت علي الله ودخلت السياره عنده المكانيكي اسمه مضفر ورشته ملاصقه لمحل الكهربائي جمال السوري كان شغال عندالملحم وبعدها طلع وفتح ورشه الصوت كان يجي عندي جهت اليمين مقابل الراكب براس المكينه طقطقه غير منتضمه ويبان اذا عشقت السياره ومشيت او اذا شغلت المكيف ودعست بنزين خفيف يطلع الصوت طلع العطل من حساس الكام ومكانه في راس المكينه جهت فتحت الزيت هم اثنين واحد يمين واحد يسار وبرضه من ترس التيمن الي يركب عليه الجنزير غيرت اثنين حساسات واثنين تروس وراح الصوت اخيرن والحمد لله ومن اراد توضيح اكثر يتواصل معي خاص