أوصيك انا يامن تولعت بالخلا
 

يقول من شبت بقلبه سعايره= الذكر للمؤمن يطمن ضمايره
ولاني بمعصومن عن الذنب والخطأ= والله يغفر صغارها مع كبايره
أوصيك انا يامن تولعت بالخلا= يامن تضيق من البلاد وعمايره
احذر تبات الليل بالوادي الهوج= يمكن يشيله من علويه عايره
ما أوحيت وعاده ولا شفت بارقه= متقيه عنك البعد واتقئ نذايره
وتري خوة الانذال لوقلت طولت= مصير خوتهم مع الوقت بايره
ان صار فيك للزود عنهم تكاضمو= وقلوبهم من مايشوفون غايره
وان صار فيك النقص عنهم تضاحكو= كلن علا عثرتك يعطي بشايره
ولو قلت اللي فيهم معاريف تنحسب= دهم السحايب ماتسيل زبايره
احذر تجي بين الركيه وبينهم= ترى غيرة الانسان تعمي بصايره
والنا بيوسف عقب كادوه عبره= عادو وكلن قام يمسح عبايره
واللي تسوي بالمخاليق من عمل= تلقاه قدامك والايام دايره
ابعد مجالك يا فتى الجود وابتعد= من لا جبر عثرتك طنش عثايره
فيهم علاماتن كثيره تشوفها= ويكفيك عن حيل المعاني عشايره
امزوحهم دايم علا الشين باللغا= هذا يعايربك وهذا تعايره
أبعد مجالك يافتى الجود عنهم= الركب منهم لاتعاود تسايره
والمحزم الطيب نجاتك من العدا= والمحزم آلبوارتكذب ذخايره
وترى الحذر مايمنع أقدار ربنا= ما قدر الله من مقادير صايره
والرابح اللي فاز بالورع والتقى= من قدس المولى وقدس شعايره[/POEM][/center]