منتدى استراحات زايد - ابي بندق هوائية للضبان

السلام عليكم
اخواني الان اخر ايام موسم صيد الضبان
طبعاً انا اخر ما تصيدت من الاعوام الي راحت قبل اربع سنوات وكان سعر الرصاص
اقل نوع وارداهم 75 ريال
وفوق هذا البندق الساكتون شحذه
لاني ما املك الا شوزن وصتمه 85
رحت قبل اسبوعين للديره وماحصلت الا ساكتون نارية صينية الي خشبها احمر مايل للصفار
وجننتني المشكلة الفشق بشق الانفس حصلته وشاريه ب250 عدد50 طلقه وارمي واوزن الهدف ومره فوق ومره تحت يوم خلص الفشق واخذ الصتمه ولا رميه الا هي اما في ظهر او راس ضب مقاسها 85 الرميح شاريها قبل 20 سنه تقريباً
بس اعمل لها صيانه للسبرنق كل فتره وهي للحمام
قاتله الحمامة مهما كان بعدها اذا ضربتها ماتروح ولكن الضبان مشكلة ماتطرهن
المهم ان الصتمه اذا ضربته نقز الا هو داخل ماعدا ثنين رميتهم بالظهر وانكسرت ظهورهم ووقفن ماتحركن والباقي حتي لو بالراس يدخل
الوكاد اني رجعت علي امل اني بكره ادور بندق ناريه ساكتون المانية
ماحصلت ورحعت الاسبوع الي بعده وحصلت بعد جهد ومكالمات
وماحصلنا الفشق
ومكالمات وودور وبالاخير حصلت عند واحد قال 300 للكرتون عدد 50 طلقة
الوكاد ان الساكتون الناري صار غثيث
وسعره غالي والفشق اغلي
انا ابي يالربع بندق هوائية قاتله للضب نفس الساكتون الناري هل يوجد؟؟؟
لان الناري صار ماينبغي بريال
الفشق غالي وماينوجد بسهوله
نبي هوايي حنا ضبان او حمام ولاعندنا غزلان ولا جواميس

اتمني احد يفيدنا بالبندق القويه القليله الخربات ونصحوني شباب من القصيم باخذ بندق موديلها 350 الفشق الكبير هل هي حيده وتقوم مقام الناري ؟؟
اتمني منكم ارشادي للبندق المناسبة الي ماتخلي الضب يتعدي محله