منتدى استراحات زايد - يا صدى صوتي الى جاوبتني ود النيابه

بسم الله الرحمن الرحيم

آه من شي(ن) لجا بالصدر واودع فيه علّه
..................... علة(ن) ما تنشكي واللي سببها ما درى به

يوم أنا قلت آه كن الكبد تشوى فوق ملّه
................... واعذاب اللي وبال الكود من بدري سطا به

ما يشوق القلب مما فيه دنياً مسفهلّه
....................... اتصدد عن حمام ناح واطرب من غرابه

دارت الأيام واندارت وصار القل جلّه
................. واختفى المامول عن عيني وولى في سرابه

حال دونه حايل(ن) سيفه رهيف(ن) يوم سله
...................... ..الله اقوى سيفي البتار صدّى في جرابه

اشهد ان التاج لو لبسه جبان(ن) صار هلّه
.................... وش بقى بك يازمان(ن) صارت كلابك ذيابه

آه ثم آهن وليت الآه تكفي يوم اتلّه
....................... يا صدى صوتي الى جاوبتني ود النيابه
آل-بوهلال التميمي(ابوراكان)