الشيخ قضيب بن درويش بن سلامه بن طارق الرمالي الشمري
 

بسم الله الرحمن الرحيم
.
.
هذه أول مشاركة لي في هذا المنتدى الرائع والكريم
وهي موضوع عن الشاعر والفارس والشيخ قضيب الرمالي .
.
.
الأسم كامل :- قضيب بن درويش بن سلامة بن طارق الرمالي الشمري
معلومات مهمة عنه :-
هو معروف أو ملقب بـ (قضيب راعي الطوير) ..بحيث أنه أتخذ من قرية أو حي ( الطوير ) مسكناً له
وهو انتقل من موقق بحائل الى الجوف وبالاخص إلى حي ( الطوير بسكاكا )
ومازال نسل وأحفاد قضيب الرمالي متواجدين في قرية الطوير وفيه أربع عوائل
يعود نسبها إليه وهي ( الهباد - الشرعان - القضيب - المخلف ) .
وهم معروفين معرفة تامة عند الشيوخ التاليين :-
1- مطير بن مرعيد الرمالي . ( أمير قرية الرديفة ) .
2- مطلق بين هتاش الرمالي .
3- نواف بن طعيسان الرمالي
4- تركي عقيل الرمالي .
5- عبدالله عودة الجديع الرمالي .
6- عبدالله غالب الفلاج ( أمير جبة ) .
ويوجد أيضاً غيرهم , ولكني أكتفي بهولاء ..
ويوجد عند هذه العوائل إثباتات وأوراق من الشيوخ الذين تم ذكرهم
تُثبت أنهم من الرمال من شمر , ومازالوا إلى الآن يسكنون قرية الطوير قرب مدينة سكاكا .
.
.
أما عن قضيتة مع ابن شعلان فـ القصة كـ التالي :-
.
كان الفارس محمد بن مهلهـل ذابـح لـه واحـد
وجالـي وبـعـد عــدة سنـيـن خلـصـت
قضيته بتنـازل اهـل المذبـوح وصـل الخبـر
الـى محمـد ورجـع الـى هـلـه وجماعـتـه
الشعلان وهـو بطريقـه شـاف ضـول علـى
خبـرا ونهـج يمـه فنطحـه اثنـيـن واحــد
يطـرد الثانـي واحـد قاتـل اخــو الاخــر
فوصلوا الى محمد ودخل الذابـح بوجـه محمـد
والـوجــه مـــن عـــادات الـعــرب
للكن الشخص الثاني ما استجـاب للوجـه وذبـح
اللـي بوجـه محمـد فـقـام محـمـد وقتـلـه
وجلى ثاني مره عند جزاع بن دحيلان من شمر ..
.
وقـال محمـد بـن مهلهـل هــذه القصـيـده :-
.
مل قلـب حبـال بقعـا تمسـه
مسة حبـال مهـاوزات الاظلـه
طس السبيل من اصفر الون طسه
الشاوري يجلى عن القلب علـه
لولاه يبري حالتـي مـا نعسـه
كيف ٍ ليا قلط علـى النـار دلـه
من كيس قرم ٍ ضاري ٍ ما يدسـه
تلقاه مقروط ٍ علـى جـال ملـه
لو عندنا من غيب الأيـام رسـه
الادمـي مصلـوح نفسـه يدلـه
وللي عجوز ٍ كل بيـت ٍ تعسـه
حتى سفيه ٍ بالعرب جايـز ٍ لـه
يالله ياللـي كـل حـي ٍ تحسـه
عقد البلش لولاك محـد ٍ يحلـه
تفرج لمن مثلي زمانـه يمسـه
عليه من بعض الرفاقـه مملـه
عليه من بعض المعاني محسـه
ساعة ظهر من علة ٍ جـاه علـه
البوم يفرس والفهد صـار بسـه
تبدلـت دنيـاك يـا فطـن ٍ لـه
والقبس يروي والضوامي تلسـه
والمزن عطشان الوطا مـا يبلـه
سبع الخلا كيف الضواين تنسـه
والصلح من فرق الغنم ما حصله
لاصار عن خصمك سلاحك تدسه
ما ينقعد لك في حضون المذلـه
.
فرد عليه قضيب راعي الطوير بهـذه القصيـده :-
.
راكب اللي كثـر الاهـذال مسـه
يشدا ظليم ٍ هاوز العصـر ظلـه
لابن مهلهل يافتى الجـود نصـه
يدعيك ضوح النار في ربعة ٍ لـه
ونجر ٍ يصوت للمساييـر حسـه
بديوان قـرم ٍ دايـم ٍ مـا تملـه
ببعض المعاني يا فتى الجود وصه
اغدي علـى درب الهدايـه تدلـه
انصح رفيقك والـردى لا يهسـه
اربع معاني يا فـت الجـود قلـه
الاولـه هـرج العـرب لايقصـه
ترى تراديده علـى الكبـد علـه
وان جاك عيال ٍ متعيدم ٍ بحسـه
عي ٍ عوج والحـق عيـا يدلـه
دع بالك المحشا على الملح رصه
يا ما يضيق الملح في مضنك ٍ له
ثم انهض المشقاص ينباج حسـه
ينجال عن وجهك طناهـا وغلـه
وخص العديم بمشة الزور خصـه
وحقق لها المنظار في نتغة ٍ لـه
والتتن والتنبـاك بالـك تمصـه
يرث على كبـدك غثاهـا وعلـه
ما قالوا ان التتن يبري المحسـه
لاصار مـا راس المعـادي تملـه
واللي يبي الطيب طسلـه يطسـه
من حلوة ٍ زيـن ٍ نماهـا مشلـه
.
.
وبالأخير لاتحرمونا من ردودكم .