منتدى استراحات زايد - مساعده من اصحاب الخبره لدرابيل الساكتون ضروري لساكتون نظام pcp

السلام عليكم ورحمة الله وبركاته

ياجماعه انا تقريبا شريت ساكتون هستان بي 65 الي عند الرمايه سعرها 4000
بندقيه اعجبتني من فتره اتبحث بالنت وهي الوحيده الي عجبتني بالسعوديه
المهم مابي اطول عليكم البندقيه نظام PCP
هذي
v
v
v
https://www.youtube.com/watch?v=PBOun8u7c9k

الي ابيه من الله ثم من اصحاب الخبره لدرابيل
ابغى شخص يعطيني اسم لثلاث داربيل ممتازه حسب الافضليه
يعني يعطيني رقم 1 الافضل بعده 2 وبعده 3 لو ماحصلت رقم 1 اشوف الثاني او الثالث
طبعا الدربيل بطلبه مع السلاح من الرمايه انا ماني من اهل الرياض انا من القريات
1500 كيلو عن الرياض:(

المهم الي يكتب لي اسماء الدرابيل الثلاث يكتب تحتهم نطقهم بالعربي عشان اقولها لسوداني الي بالرمايه
عشان يعرف الي ابيه

اخر شئ ياجماعه الساكتون هذي مافيها اهتزاز مثل ساكتون الكسر

هل تحتاج لقاعده خاصه عشان الوزنيه ماتختلف ؟
او اكتفي بالدربيل فقط وقاعدته الاساسيه ؟

واذا يحتاج قاعده افضل ياليت كمان تعظوني اسم القواعد عشان اطلبهم مره وحده

والف شكر لكل الي بيدخلون ويساعدون

سبحان الله وبحمدة سبحان الله العظيم