حل لمشكلة تعطل فرامل ال abs في اللاندكروزر vxr وباقل التكاليف
 

السلام عليكم ورحمة الله وبركاتة
كيف حالكم يا اعضاء مكشات
الكل عارف مشكلة ال abs في اللاندكروزر وخرابة وتكلفة تصليحة المرتفعة وقد يصل سعره كامل الى 7000 ريال وسعر الدينمو 3000ريال في الوكالة
والمشكلة ان اغلب الورشات اذا مريتها يتهربون من تصليحة او يطلب تغييره كامل

المهم , سالفتي مع هالمشكلة
حصل لي ان تعطل في سيارتي نظام فرامل الabs وطلع صوت الصفرة داخل الغمارة ليبين عن العطل فية , مريت كذا ورشة ويتهربون منه مايصلحونة ولازم تغييره كامل ,او تبديلة الى بكم عادي والغاء ال abs , حتى الوكالة طلبوا تغييرة كامل ,
جلست فترة ماصلحتة بحكم غلا سعرة وتغييره الغير المبرر وحتى بدون الكشف علية ولا حتى فحصة ,
المهم نويت فكة بورشة قريبة عند فلبيني سمح بعد اخذ وعطا ومحاولات ,
فكة و طلعت المشكلة في الدينموا فقط وباقي الاجزاء سليمة, اخذت الدينوا للوكالة ابي اشوف كم سعرة طلع سعرة 3000ريال وطلبية من جدة , ما اخذتة صراحة لاني مابعد كشف علية ولا ادري وش خرابة ,

اخذتة لمحل الدينموات وفكة حصل خرابة من الفحمات فقط فحماتة منتهية , والنحاسة الي تحتك فيها الفحمة متاكلة شي بسيط بعد فترة يبغالها تغيير او اصلاح عند اقرب مخرطة ..

المهم
ماكان عندة فحمات تركب علية ف طلب من صاحب يمون له قطع من الرياض فحمات تركب على الدينمو , وحصل الحمد لله وكان سعرهن تقريبا حوالي 60الى 70 ريال وركبن علية مضبوط , جربت الدينمو قبل تركيبة بالسيارة واشتغل تمام الحمد لله ,وديتة لصاحبي الفلبيني يركبة بالسيارة ,ركبة الحمد لله واشتغل ,

لكن بعد ماركبة قال لازم نسوي برمجه كمبيوتر بعد التركيب ولا موب مشتغل, صراحة وقتها ماكنت عند السيارة ف خليتة يبرمجه ولا كان ودي اجربة قبل البرمجة هل بيشتغل او لا لازم برمجة على كلامة .

والحمد لله انحلت المشكلة باقل التكاليف , والان سيارتي زي اول واضمن باذن الله ولو خرب مرة اخرى راح يكون الخراب تقريبا معروف من النحاسة او الفحمة

انا بحثت عن المشكلة بالانترنت وعن طريق موقع مكشات وقرأت عنها في موضوع الاستاذ بدوي جنوبي والاستاذ اصيل حجازي لكن ماحصلت مطلوبي بحل هالمشكلة .
لكن مادام اني توصلت لحلها فمن واجبي ان اضعها هنا واخبر عنها كل من وقع في مثل هالمشكلة او هالعطل ...
اسف على الاطالة ...
تقبلوا تحياتي
الجنوبي
وارث الطيب