'
* كلمات اغنيـہ : جسر الصداقـہ ....

من أشعار سمو الشيخ حمدان بن محمد بن راشد آل مكتوم{ فزاع }
الحان سفير الالحان : فايز السعيد
غناء : الفنان الإماراتي { ميحد حمد }

الضايق الي سارياً ليلـہ ولا حصل طريق . . . تلعب بـہ الايام بين ايمينها واشمالها
يـا غارقاً بـ الهم لا تطلب نجاتك من غريق . . . والصبر مفتاح الفرج والناس هذا حالها
وانا ترى متني يشيل الحمل ما لا يطيق . . . مالي ومال الحمل الا كل كتف شالها
ايامنا بين الشهر واليوم والباقي سحيق . . . الايام كم يبقى لها والناس كم يبقى لها
والدلـہ الا ما تقهوي ضيفها قل للبريق . . . يرسل تعازي ضوها لا فاحت بـ فنجالها
قمريـہ الاحزان لا غنت على الغصن الدقيق . . . ما تعاتب المحزون لو غنت ولا غنى لها



يا ناس وش حل الرفيق الا يعاتب لـہ رفيق . . . لا حدتـہ الايام والدنيا على منوالها
لا تحسب ان الا تحبـہ لا جرحتـہ ما يضيق . . . المسترج جروحـہ عليك وعلتـہ ما قالها
يضيق لكن مبسمـہ ضحاك واحجاجـہ طليق . . . كنا الصداقـہ كنز والحسنـہ بـ عشر امثالها
والحقد فـ قلوب الرجال اهل الوفاء ما هو يليق . . . اقلوبها تبقى نظيفـہ لو لو تغير حالها
وانا لو ابني للصداقـہ جسر لعيون الصديق . . . الناس من كثر الزعل فال الله ولا فالها
العذر ما يكفي من التقدير والصدى تعيد . . . الوصل من بين القلوب الا تمد احبالها



والالماس سعره فوق سعرك يـ الذهب لو لك بريق . . . سعره لحالـہ والذهب تسعيرتـہ بـالحالها
واهل الجواهر يفرقون الكهرمان من العقيد . . . لو تخلط الثنتين بنتـ ( ن ) في طرف سلسالها
نصبر على قرص النحل حتى نوصل للرحيق . . . واهل الهوى يمسح خطاياها لذيذ اوصالها
والناس لجل آمالها تحتاج للفهم الدقيق . . . والا ما تملك فهم تخسر نفسها وآمالها
جبال الارض الشامخـہ يا منكر المجد العريق . . . هاماتنا من كبر هيبتنا تطول اجبالنا
جديدنا مستقبل زاهر وماضينا عقيد . . . مسيرة التاريخ يبقى مجدنا في بالها
لو ان حضارتنا قصيدة شاعر فكره عميق . . . ما كان غير محمد مكتوم صاغ امثالها
- ونعم -
الضايق الا سارياً ليلـہ ولا حصل طريق . . . تلعب بـہ الايام بين ايمينها واشمالها

- عائشه .