الموتر قام يتنافض ويدفدف ووراي خط بعد يومين 1500كم فزعتكم!
 

السلام عليكم ورحمة الله وبركاته

اخواني موتري ددسن 2010 غماره ماشية 96000كيلو

قبل مدة انا بنفسي غيرت بواجي مطابقة للوكاله لكن بلاتينيوم وتم وزن خلوصها

ومر حوالي شهر من تغييرها ولا حصل اي اختلاف معي والحمدلله

لكن امس عبيت بنزين وبعدها بربع ساعه الموتر قااام يتنافض بقوة
وطفى علي وانا ماشي

المهم ان الانوار والمسجل شغاله 100%
وطرمبة البنزين صوتها قبل دقة السلف ماشاء الله
والسلف شغال معي لكن الموتر مايشتغل ابدا فقلت خل الموتر يبرد واجرب

واجي بعد 5ساعات وادق سلف نفس الكلام مايشتغل
فقلت خلني انتع الموتر وادف وانتعها الا والموتر شغال لكن يتنافض بقوة
وافتح الكبوت واطالع الا والمكينه غير ثابته مررررره

قلت اقرب كهربائي قبل لايطفى الموتر وفي الخط الموتر يناتع ويدفدف بقوة
في البداية ومن بعدها قام يخف الين ما رااااح مرره!!
واوقف عند الكهربائي شرحت له قال مافيها شيء !!
اللي سواه دعس للمكينه الين بغى يفجرها و فحص الفيوز اللي عند المكينه
واللي داخل الغماره عند السواق فحص بدائي يعني يطلع الفيوز ويرجعها

قال يمكن من البطارية ؟؟ قلت البطارية جديدة وبعدين الموتر طفى وهو كان ماشي !
اخر شيء قال سيارتك مافيها شيء:mad:

يا اخوان تكفون بعد يومين وراي خط من الجنوب الى الخبر ضروري
وابي فزعتكم اللي قد صارت معه او عنده خبره يجاوب ويبشر بدعوة في ظهر الغيب