منتدى استراحات زايد - خيوط العنكبوت.......

لاتقول الوجد جابك والـشـــجـــــــن
لاتـقـول انك عـلى حـبي تمــــــــوت

وينك امن سـنـيـن يـــــوم اني اون
وازعج الونات صوتٍ عقب صوت

جيتني والشيب بالراس اسـتـكـــــن
والجسم مثل الشجر صار محـتـوت

صرت كـني لاجـيٍ ذاق الـمـحــــــن
او يتيمٍ مالـقى بالدار قــــــــــــــوت

دوك جسمي لاعبٍ فيه الـوهـــــــن
صار اوهن من بيوت العنكبـــــوت

غـيـرن بُـعـدك وغـيرني الــزمــــن
عن لذيذ الهـرج فـضلت السكــوت

مابـقـي بالـعـمـر شـيٍٍ له احــــــــن
غير ذكر الله ودعـوات الـقــنــــوت

اغـنم ايامـك قـبل لبس الــكــفـــــن
العمر لحـظه وما اسرع ماتفــــوت

لايضيع العـمـر في فـــن ولـحــــن
دام عـندك وقت ترجع للـثـبـــــوت

رزقـك المـكـتـوب لو كـان بـعــدن
ماترده عـنك اهالي حضرمـــــوت

اشهد ان المال في الغربه وطــــن
واشهد ان الفقر غربه في البيوت

الوطـن غـربه اذا مـالك ســكــــن
السكن هو الوطن ياهل البـشـوت

وش يضر الميت لامنه انـدفـــــن
باللـحـد والا بزينات الـتـبــــــوت

احمد بن عبدالرحمن العريفي
(نديم المجره)